Божья матерь песчанская

Акафист и молитва иконе

Каждую неделю в часовне Ленинградской больницы, что возведена для почитания епископа Иоасафа, проходят службы, где и читают акафист Песчанской иконе Божией Матери. В остальных случаях акафист принято читать, приурочив к праздничным событиям и самое важное из них – день памяти Песчанской святыне. Его отмечают 21 июля.

Кроме акафистов в этот день действительны молитвы перед иконой. Считается, что икона набирается особой силы и после люди, просившие об излечении и обереге от ненастий, получают руку помощи. Молитва, которую стоит произносить при прошении представлена ниже:

О, Премилостивая и Премилосердная Мати Божия, Покровительнице града нашего Изюма и страны нашея, купно же и всего мира Молитвеннице, приими коленопреклонение ума и сердца нашего, и услыши молитвы в умилении душ наших Тебе возсылаемыя: якоже издревле приимала еси молитвы любящих душ зде, пред иконою Твоею возносимыя.

Помози нам в побеждении прелестей и соблазнов мира сего, не попусти нам отверженным быти вечнаго небеснаго блаженства. Ты едина наша радость и утешение в жизни сей временней; Ты едина наша надежда в жизни вечней. Веруем, яко Ты Своею Богоматернею любовию и снисхождением удостоиши нас с Собою вожделеннаго царствия Сына Твоего. Тебе убо просим: не отступай от нас, Всеблагая, защищай от всех козней вражиих, не попусти нас чрез грехи наша лишитися милосердия Божия; изжени из нас ленность в молитве и посещения храма Божия; избави нас от малодушия, уныния, вражды, гнева, подозрения, зависти, клеветы, ненависти и гордости бесовския.

Вразуми поправших заповеди Церкви Христовой. Семьям нашим даруй мир и любовь, да согласно поживут родители и дети. Да будет в стране нашей правда Божия, да сохранятся в народе нашем благочестивии обычаи. Вознеси, о Всеблагая, усердныя молитвы пред Богом о всего мира умирении, да не погибнет род людский в пламени опустошения всемирнаго; да познают вси народи Отца Своего Небеснаго и Тя, Матерь Божию, заступницу рода христианскаго.

Приведи вси народы к истинному покаянию и жизни греховныя исправлению, да не будет нам страшен день Страшнаго суда Божия, но сподобит нас Господь с Тобою вечныя радости небесныя, Ему же подобает всякая слава, честь и поклонение Отцу и Сыну и Святому Духу ныне и присно и во веки веков. Аминь.

Песчанская чудотворная икона Божьей матери

Эта запись также доступна на: Украинский


В слободе Песках, Изюмского уезда Харьковской губернии, в двух верстах от уездного города Изюма, в местном приходском храме, находится икона Божьей матери, именуемая «Песчанской». История прославления этой иконы связана с жизнью место-чтимого святителя бывшей Белгородской епархии Иоасафа Горленка (святителя Иоасафа).

Вот что передаётся в имеющемся при церкви «Сказании» об этой иконе:

В 1754 году святитель Иоасаф, объезжая свою епархию, в состав которой входила и нынешняя Харьковская губерния, прибыл в город Изюм. Первая церковь, которую он посетил, была Вознесенская в предместье города, называемом Замостьем. Церковь эта при первоначальном заселении Изюма в XVII веке была устроена на левой стороне Донца в местности под названием «Зверинец». Вследствии частых затоплений весенней водой Донца она была перенесена в предместье Изюма Замостье, но и здесь была неоднократно заливаема Донцом, почему в 1792 году прихожане, к числу которых принадлежали и жители Песок, возбудили ходотайство о перенесении Вознесенской церкви из Замостья в более высокую местность на Пески, что было разрешено и приведено в исполнение в том же году. На месте бывшей церкви на Замостянской улице до 1898 года существовала деревянная капличка, а в 1898 году она была заменена каменной часовней в память священного коронования их императорского величества государя императора Николая Александровича и государыни императрицы Александры Феодоровны. Во время перенесения иконы из Песок в Изюм 13 мая в эту часовню заносится икона и перед нею читается акафист Богородице.

Встреченный духовенством и войдя в притвор, святитель с изумлением остановился, и стал вглядываться в большую икону Богоматери, стоявшую в углу притвора и служившую перегородкой, за которую ссыпали уголь для кадила. Долго, с умилением смотрел он на икону, а потом, осенив себя крестным знамением, пал перед ней на колени и громко произнёс: «Царица небесная, прости небрежность Твоих служителей, не ведают бо, что творят!». Потом сделав благочинному замечание за такое небрежное отношение к святыне, сказал: «почему сей образ не поставлен в лучшем месте? В сем образе преизобилует особенная благодать Божия, в нём Пресвятая Владычица являет особое знамение своего заступничества для сей веси и целой страны», и тут же приказал поставить эту икону в более приличном месте. Благочинный в оправдание заметил, что в церкви много икон от старого иконостаса, которым нет места. Тогда святитель, быстро войдя на середину церкви, посмотрел на все стороны, и обратив внимание на большой киот сзади левого клироса, установленный небольшими иконами из старого иконостаса, сказал: «вот самое приличное место для иконы Божьей матери. Поставьте её на место этих, уже обветшавших икон, и чтобы она всегда стояла на этом киоте». С тех пор икона всегда стояла на этом месте и даже после перенесения церкви на Пески.

Святитель Иоасаф прожил в Изюме более трёх дней; ежедневно утром и вечером он приходил в приходскую церковь и молился перед образом Божьей Матери тогда же перенесенным и поставленным в месте, указанном святителем. После сооружения в 1826 году новой каменной церкви икона помещается и до настоящего времени в киоте в левом приделе храма.

Весть о внимании, обращённом святителем на икону, о его молитве пред нею, распространилась между обитателями, и многие стали приходить к ней, как к имеющей особую благодать. К тому же в это время стали передавать слух, что святитель перед выездом из Белгорода видел сон: будто бы он осматривал церкви, и в одной из них, в притворе увидел на куче сора икону Богоматери со светлым сиянием, исходившем от неё, причём неизвестный голос указывал на эту икону, как на источник благодати для страны. Сон этот произвёл такое впечатление на святителя, что он во время поездки по епархии он внимательно осматривал каждую церковь, как будто ожидал найти сходство с тем, что видел во сне. Прибыв в Изюм, он был поражён сходством Вознесенской церкви, с виденной во сне, а потому, взглянув на икону Божьей Матери, стоявшую в притворе в таком небрежении, он понял, что сон его относиться к этой церкви, и этой иконе.

И действительно, после этого многие стали обращаться с верою и молитвой к Владычице мира, и получали у этого образа исполнение просимого, вследствие чего весть о церкви, где хранился дивный образ Богоматери, распространился далеко за пределы Изюма, и многочисленные толпы желавших поклониться иконе начали стекаться в эту церьковь.

С перенесением Вознесенской церкви в 1792 году из Замостянской улицы на Пески была перенесена и икона, привлекавшая всё большее и большее почитание и благовение как прихожан, так и окрестных жителей. И Пречистая Дева не посрамила чтущих имя ея. Вскоре, после перенесения церкви и образа на Пески, Она благоволила явно показать всем, что на этом образе почивает особенная благодать, и что всякий с верою приходящий и припадающий к этому образу не отойдёт от лика её неуслышан.

Около 1800 года в Изюме жил учитель местного училища Стефан Гелевский, у которого умирали дети, наконец заболевает и последний оставшийся в живых сын Пётр. Несмотря на сильную скорбь, родители не теряли надежды на милость Божью и, веря в благодатную силу образа Песчанской Богоматери, дали обещание отслужить молебен перед этим образом, для чего и отправились на Пески, но по дороге их сын умер. Мать хотела возвратиться назад, но отец настоял на том, чтобы исполнить данное обещание. По приходе на Пески, не говоря никому о смерти ребёнка, они просили священника отслужить молебен перед иконой. Во время молебна родители со слезами умоляли Заступницу христиан утешить их в скорби. И вера их не была посрамлена. Во время чтения кондака дитя вдруг вскрикнуло так сильно, что привело в ужас всех присутствующих, отец и мать лишились чувств. Прийдя в себя, они рассказали, что их сын умер дорогой, но перед иконой ожил. Этот младенец скоро поправился, вырос, служил потом в чине полковника, и умер в Петербурге в пожилых летах.

Слух о таком необычном случае быстро распространился, и начал привлекать на Пески толпы богомольцев, особенно из жителей Изюма. Церковь и ограда были переполнены пришедшими, так что священники не успевали служить молебны. В это время в Изюме был благочинным соборный протоерей Иоасаф Погорлевский, который по донесению Изюмского духовенства о том, что в Изюме прихожане служат молебны исключительно на Песках, или в силу других причин, запретил служить перед образом молебны приезжим богомольцам. Но этот запрет привёл к ещё большему прославлению образа: вскоре после запрещения протоерей заболел мучительной болезнью, с судорогами во всём теле, усиливающимися при малейшем движении. Тяжело страдая, больной пришёл к выводу, что эта болезнь есть наказание Божье за введенные им ограничения. Сознавая свою вину он решил обратиться с покаянием к милосердию Царицы Небесной, и велел нести себя к чудотворному образу. Принесенный на Пески на простынях, и положенный перед иконой, он во время молебного пения горячо молился, прося прощения и исцеления своей болезни. Как только окончился молебен, и больной приложился к образу, тот час почувствовал облегчение настолько, что сам без посторонней помощи вышел из церкви. Через несколько дней Погорлевский был совершенно здоров. После этого он не воспрещал служение молебнов пред образом, всегда благоволил перед ним, и всем советовал обращаться к нему, как к источнику благодати.

Эти два следовавшие один за другим чудесные случая явно показали, что икона сия предназначена быть многотекущей рекой божественной благодати для всех верующих. И действительно, к этой иконе, как к целебному источнику, начали стекаться толпы верующих богомольцев. Чудесные знамения благодати Божьей, свершившиеся, а прошедшие времена, переходя из уст в уста, делались достоянием предания. Время стирало из народной памяти подробности каждого отдельного случая, но не изглаживало, а напротив, утверждало в сознании народа уверенность в их несомненности, вследствие чего вера в чудотворную силу святой иконы не ослабевала, а всё более укреплялась и подтверждалась всё новыми проявлениями милосердия Божия по молитвам его Пречистой Матери.

Прежде всего, нельзя не признать чудесным само построение настоящего каменного храма, в котором находиться чудодейственный образ. В 1819 году вследствие ветхости старого деревянного храма, прихожане с разрешения начальства начали постройку нового каменного. Постройка возведена была до окон нижнего этажа, а затем по причине несогласия, возникшего между главными деятелями по постройке церкви, местными помещиками, остановились, и прихожане потеряли надежду увидеть свой храм оконченным. В это время у одного из прихожан, богатого помещика Андрея Фёдоровича Тимошенко умерла жена Екатерина, питавшая особое благоволение к Песчанской иконе и соорудившая на неё массивную серебряную позолоченную ризу. Перед смертью она умоляла мужа окончить здание Песчанской церкви ради царицы небесной. Тимошенко по своей скупости не желал принимать никакого участия в постройке, между тем вскоре после смерти жены вдруг выразил особое желание продолжать прекращённую постройку с тем только условием, чтобы окончить её поскорее и притом исключительно на свои средства. Судя по этому можно было предположить, что желание такое у него явилось вследствие какого-то необыкновенного случая. Действительно, вот что он передавал настоятелю протоиерею Льву Яровому: будто бы через некоторое время после смерти к нему во сне явилась жена, в том самом платье, в котором была похоронена, и трогательно просила его, оставив скупость построить храм ради царицы небесной ради спасения своей души, прибавив при этом, что богатство земное, не употреблённое при жизни во славу Божию после смерти не только не принесёт пользы, но и будет причиной вечных мучений. Также она уверила, что за ризу, сделанную ею для иконы Царицы Небесной, она по молитвам её удостоилась получить большое облегчение в загробной жизни. Сказав это, она с шумом вышла из комнаты через дверь, закрытую на ключ. Поражённый видением, Тимошенко проснулся, бросился к двери, но она оказалась запертой. Видение это повторилось в следующие две ночи, только с той разницей, что в последний раз жена явилась с Песчанской иконой Божьей Матери, от которой исходили блестящие лучи, и слышен был голос, исходивший как бы от иконы, объявлявший ему, что за маловерие нежелание и промедление с окончанием постройки новой церкви, он не удостоится приносить молитвы в сооружённом храме.

Последнее видение так поразило его, что он немедленно отправился к настоятелю церкви, рассказал случавшееся с ним и просил совета. Протоиерей посоветовал ему не откладывать с исполнением замогильной просьбы жены. Тогда Тимошенко, несмотря на скупость, решил немедленно приступить к постройке своими средствами, только просил настоятеля заведовать постройкой и при этом торопил работу. «Может быть, прибавлял он, Царица Небесная пощадит меня и удостоит помолиться в новоустроенном храме». И действительно, благодаря щедрым средствам строителя церковь была быстро выстроена, снабжена всем необходимым, но сам строитель, как и было предсказано, не удостоился присутствовать на освящении выстроенного храма. Уже ожидалось освящение, как вдруг поражённый ударом, Андрей Фёдорович Тимошенко скончался за полтора месяца до освящения церкви, которое было совершено 12 июня 1826 года.

Из книги «Песчанская Чудотворная Икона Божией Матери»

Переглянуто: (7704)

Ваша оценка

  • акафист
  • молитва
  • тропарь
  • кондак

Акафист иконе Божией Матери «Феодоровская»

Кондак 1

Взбранней Воеводе, Пренепорочней Деве Богородице, Заступнице нашей и Предстательству христиан непостыдному, явлением чудныя иконы Своея радование подавшей земле Российстей и вся верная чада Церкве просветившей, благодарение усердно приносим Ти, Богородице, и припадающе пречудному образу Твоему, умильно глаголем: спаси, Госпоже, и помилуй рабы Твоя, зовущия:

Радуйся, Матерь Божия, Предстательнице и Заступнице наша усердная.

Икос 1

Архангел Гавриил от Бога послан бысть во град Назарет ко Пречистей Деве Марии, и вшед к Ней рече: Радуйся, Благодатная, Господь с Тобою, благословенна Ты в женах. Архангельскому гласу подражающе, и мы, грешнии, радости и благодарения в сердце своем исполнени, пред явленным образом Твоим благохваления наша возносити к Тебе дерзаем, Пресвятая Богородице:

Радуйся, отрасле от корене Давидова благословенная; радуйся, обетом родителей в жертву Богу принесенная.

Радуйся, святых праведных Иоакима и Анны Дщи Богоданная; радуйся, триех лет во храм Божий введенная и тамо воспитанная.

Радуйся тамо смирением и чистотою всех удивившая; радуйся, тамо архангельския беседы сподобльшаяся.

Радуйся, Дево, о зачатии Бога Слова благовестие во смирении приимшая; радуйся, избранная Отроковице, к зачатию Бога Слова силою свыше осененная.

Радуйся, тайну воплощения Сына Божия, от веков в Бозе сокровенную, открывшая; радуйся, Агнице, рождшая Агнца Христа, вземшаго грехи мира.

Радуйся, Тобою бо избавляемся мук адовых; радуйся, Тобою бо сподобляемся вечныя жизни.

Радуйся, Мати Божия, Предстательнице и Заступнице наша усердная.

Кондак 2

Видя икону Твою, Пресвятая Дево, на древе стоящу, князь благочестивый Костромский ужасом многим содрогашеся недоумея, что бысть видение сие. Хотящу же ему прияти ю и от сего свыше удержану ему бывшу, не можаше; уведев, яко чудно есть иконы тоя явление, воззва к Богу: Аллилуиа.

Икос 2

Разумом желая разумети князь благочестивый пришествие пречуднаго Твоего образа во град Кострому, Богородице, душею радования преисполненною себе предаде водительству Божию, и преклонь колена, со страхом вопияше Тебе:

Радуйся, Дево, явльшая образ Свой чудно; радуйся, Благословенная, в явлении образа Своего милосердие нам являющая.

Радуйся, о всех чтущих Сына Твоего промышляющая; радуйся, всем просящим у Тебе дары, в меру веры, ко спасению подающая.

Радуйся, путь истины заблудшим показующая; радуйся, к горнему миру чудесы Твоими ум наш возводящая.

Радуйся, смущения помышлений сумнительных удаляющая; радуйся, славящих Тя всегда прославляющая.

Радуйся, чистотою Твоею чистоте нас научающая; радуйся, чистотою Твоею нечистоту нашу обличающая.

Радуйся, моления наша приемлющая; радуйся, рыданий и слез не отметающая.

Радуйся, Мати Божия, Предстательнице и Заступнице наша усердная.

Кондак 3

Силу Божию благочестивый князь познав в восхождении образа чуднаго Твоего, Богомати, в явлении же видев милосердие Твое ко всем спасение хотящим получити, рече: Аллилуиа.

Икос 3

Имев помысл стяжати даруемое небесное сокровище, лик Твой светлый, Богомати, второе простре державный руку к образу нисшедшему; узрев же паки его восхождение, скоро пойде во град и поведа о бывших ему освященному собору, да пришедше и видяще иконы Твоея явление возопиют с ним вернии:

Радуйся, Царице Небесе и земли; радуйся, престоле Царя царствующих.

Радуйся, Пренепорочная Дево; радуйся, Мати Неприступнаго Света.

Радуйся, честнейшая Херувим; радуйся, славнейшая без сравнения Серафим.

Радуйся, Небесными Силами величаемая; радуйся, от всех земнородных ублажаемая.

Радуйся, неизреченное веселие Ангелов; радуйся, венче царственный всех пророков и апостолов.

Радуйся, православия Христовы Церкве ограждение; радуйся, всех суемудрых учений и ересей низложение.

Радуйся, Мати Божия, Предстательнице и Заступнице наша усердная.

Кондак 4

Бурю внутрь имея помышлений недоуменных, освященный собор со псалмы и песньми духовными абие притече видети образ Твой, Неискусобрачная. Узрев же его на древе дивно стояща и благолепно красотою сияюща, рече: Аллилуиа.

Икос 4

Слышаша людие честныя иконы Твоея, Богоотроковице, пришествие и, ко оной текше, поклоняхуся, аки Самей Тебе сущей, и со умилением и слезами вопияху к Тебе:

Радуйся, Дево, Благословенная в женах, во чреве Твоем Носителя всяческих носившая; радуйся, рождением Сына Твоего спасение миру всему явльшая.

Радуйся, человеки с Богом соединившая; радуйся, превышшая небес, избавльшая нас от клятвы.

Радуйся, нас к вечной жизни руководящая; радуйся, Владычице мира.

Радуйся, Божие к смертным благоволение; радуйся, смертных к Богу дерзновение.

Радуйся, благих во благости соблюдающая; радуйся, лукавых на путь благий обращающая.

Радуйся, под сень крова Твоего прибегающих милующая; радуйся, уповающих на Тя вся потребная к животу и благочестию дарующая.

Радуйся, Мати Божия, Предстательнице и Заступнице наша усердная.

Кондак 5

Яко боготечную звезду узреша людие икону Твою, Безневестная Дево, и, яко многосветлый светильник, поставиша ю во святем соборнем храме, радующеся и вопиюще Богу: Аллилуиа.

Икос 5

Видевше жителие града Городца образ Твой, Владычице, во храме града Костромы стоящий, и на руку Твоею держима Богомладенца Иисуса, скорбию одержима беша, зане отшествие его бысть из града их. Мы же, обрадовани благоволением Твоим ко граду нашему, приносим Ти дары, и, с любовию лобызающе Твой святый образ, вопием Ти:

Радуйся, Звездо, Солнце правды нам явльшая; радуйся, возлюбившая сию страну.

Радуйся, обретение Тебе ищущих; радуйся, радостию неизреченною верных сердца исполняющая.

Радуйся, сокровище благодати неистощимое; радуйся, милости приснотекущий источниче.

Радуйся, от тяжких бед спасающая; радуйся, от смертносныя язвы избавляющая.

Радуйся, всего мира Ходатаице; радуйся всех недугов Целительнице.

Радуйся, Красото несравненная; радуйся, Доброто несказанная.

Радуйся, Мати Божия, Предстательнице и Заступнице наша усердная.

Кондак 6

Проповедницы богоноснии быша видевшии образ Твой, Богородице. Возвращся бо кийждо во страну свою, возвещаше о пришествии его и чудесех от него бываемых, воспевая Богу: Аллилуиа.

Икос 6

Возсиявши благодать от чуднаго образа Твоего, Чистая, веру немощствующих утверди, верных же возвесели сердца любовию. Сего ради радующеся вопием Ти:

Радуйся, Пресвятая Дево, светом небесныя истины нас озаряющая; радуйся, мглу греховную от нас отгоняющая.

Радуйся, чудесы Твоими к боговедению нас приводящая; радуйся, всех кающихся грешников ко благочестию подвизающая.

Радуйся, всех притекающих к Тебе крепкое заступление; радуйся, немощствующих умом утверждение.

Радуйся, изнемогающих в вере возставляющая; радуйся, тихое пристанище в море житейстем обуреваемым.

Радуйся, злыя советы сынов погибельных открывающая; радуйся, вознесенную гордыню врагов отечества нашего смиряющая.

Радуйся, православных царей Державо; радуйся, всех христиан Похвало.

Радуйся, Мати Божия, Предстательнице и Заступнице наша усердная.

Кондак 7

Хотя прославити Сын Твой, Богородице, святую икону Твою во граде Костроме, повеле ю в день Успения Твоего святому великомученику Феодору Стратилату носити по граду сему, да вси, видяще чудо сие, благодарным сердцем возопиют ему: Аллилуиа.

Икос 7

Чудо новое яви нам Господь мольбами Твоими, Богородице, егда сгоревшу храму, в немже бе поставлен святый образ Твой, сохрани его в пепле невредима от огня, и тако мневших сгоревша его печаль в радость преложи. Мы же, чудо сие ведяще, воспеваем Ти таковая:

Радуйся, Купино Неопалимая; радуйся, огненный столпе, сущия во тьме наставляяй.

Радуйся, Кивоте, Духом позлащенный, Невместимаго Бога вместивший; радуйся, кадильнице златая, яко фимиам благоуханный, молитвы Твоя за ны к Богу Сыну присно возносящая.

Радуйся, жезле Ааронов, к явлению в мире Сына Твоего прозябший; радуйся, руно Гедеоново, благодатию Божиею во спасение наше орошенное.

Радуйся, горо несекомая, от Неяже отсечеся краеугольный камень Христос; радуйся, храме одушевленный, в Немже вселися Божество телесне.

Радуйся, девства охранение; радуйся, супружества благословение.

Радуйся, паче всех Господа возлюбившая; радуйся, паче всех от Него превознесенная.

Радуйся, Мати Божия, Предстательнице и Заступнице наша усердная.

Кондак 8

Странное чудо видевше, на воздусе икону Богоматери стоящу, аки руками ангельскими держиму, егда второе сгоре храм, в немже стоя явленная сия икона, отвержемся, людие, мира сего, ум на небеса преложше; сего бо ради и дадеся нам чудная икона Богородицы, да, взирающе на ню, горная мудрствуем, а не земная, вопиюще к Богу: Аллилуиа.

Икос 8

В вышних пребывающи селениих, и нижних не разлучилася еси, Богородице, чудесы Твоими всех просвещающи приходящих к Тебе с верою, сего ради и слышиши от нас сия:

Радуйся, Мати Христа Бога нашего, на Небеси пребывающая; радуйся, на земли нас не оставляющая.

Радуйся, ради величества Твоего на Небеси Ангелы окруженная; радуйся, ради славы Твоея на земли от человек прославляемая.

Радуйся, Тебе бо служат вся Небесныя Силы; радуйся, Тебе бо, по Бозе, хваление возносят Херувими и Серафими.

Радуйся, лице Божие выну на Небеси созерцающая; радуйся, пред престолом Сына Твоего Матернии руце Твои, за ны молящися, простирающая.

Радуйся, нас, сущих на земли, от всякаго зла омофором Твоим покрывающая; радуйся, верных от всяких душепагубных дел удаляющая.

Радуйся, рождением Сына Божия двери Царства Христова нам отверзшая; радуйся, надеждою приятия небесных благ верных души услаждающая.

Радуйся, Мати Божия, Предстательнице и Заступнице наша усердная.

Кондак 9

Всякое естество ангельское превозносит Тя, Дево, великия ради любве Твоея к роду христианскому; незрима бо и неприступна, яко Мати Бога от земли к Небеси возшедшая, пречистым Твоим образом зриму и приступну Себе являеши всем воспевающим Сыну Твоему: Аллилуиа.

Икос 9

Вития многовещанныя, яко рыбы безгласны, зрим о Тебе, Богородице, недоумеют бо глаголати о славных чудесех, от явленныя Твоея иконы бываемых. Мы же оным дивящеся благодарно вопием Ти:

Радуйся, слепых прозрение; радуйся, хромых хождение.

Радуйся, от темных и лукавых духов исцеляющая; радуйся, лучами от Твоего пречистаго образа изшедшими врагов земли нашея отгнавшая.

Радуйся, больным видение Твое даровавшая; радуйся, молящимся явленней иконе Твоей исцеление подающая.

Радуйся, разслабленных от одра болезни воздвигающая; радуйся, немым разрешающая уста.

Радуйся, от плена вражия возвращающая; радуйся, лютыя плоти страсти утоляющая.

Радуйся, души верных неизреченным милосердием Твоим умиляющая; радуйся, неизглаголанным Твоим человеколюбием унывающих ободряющая.

Радуйся, Мати Божия, Предстательнице и Заступнице наша усердная.

Кондак 10

Соблюсти хотящи в чистоте домостроительство Церкве Православныя, Чистая, и, утвердити скипетр державы Российския, чудною иконою Твоею вложила еси в сердце благовернаго государя Михаила Феодоровича прияти венец царский земли Российския, да вси видящии видят, яко Вышний владеет царством, и емуже хощет дает е, и возопиют Ему: Аллилуиа.

Икос 10

Стена еси необоримая, Богородице Дево, всем к Тебе прибегающим: никтоже бо притекаяй к Тебе тощ отходит. Сего ради ущедряеми милостию Твоею, во умилении души возглашаем Тебе:

Радуйся, твердая стено, от враг видимых и невидимых охраняющая; радуйся, крепкая защито упование на Тя возложившим.

Радуйся, познания истины чистое зерцало; радуйся, сохранения веры крепкое забрало.

Радуйся, грады и страны христианския предстательством Твоим от врагов спасающая; радуйся, царем благоверным поборающая.

Радуйся, мир во градех селящая; радуйся, благонравным благопоспешающая.

Радуйся, силою молитв Твоих злыя помыслы в ничтоже обращающая; радуйся, силы врагов ближняго сокрушающая.

Радуйся, юности наставление; радуйся старости поддержание.

Радуйся Мати Божия, Предстательнице и Заступнице наша усердная.

Кондак 11

Пение всякое побеждается спростретися тщащееся множеству многих щедрот Твоих; равночисленныя бо песку морскому песни аще приносим Ти, Богородице Дево, ничтоже совершаем достойно, яже даровала еси нам, вопиющим к Богу: Аллилуиа.

Икос 11

Светоприемную свещу, древле явльшуюся, зрим во святей иконе Твоей, Богородице Дево, егда град наш защитила еси от разорения врагов земли нашея лучами, от святыя Твоея иконы исходящими. Сего ради с верою припадающе к ней и с любовью лобызающе ю, вопием Ти:

Радуйся, Мати Превечнаго Света Христа, учением Его души просвещающая; радуйся, благодатию Божиею неверующих к вере в Бога приводящая.

Радуйся, путешествующим спутешествующая; радуйся, нуждно плавающих Кормчая.

Радуйся, от всякия скорби, гнева и нужды спасающая; радуйся, от глада, губительства, труса и огня сохраняющая.

Радуйся, избавляющая от иноплеменных; радуйся, охраняющая от междоусобныя брани.

Радуйся, во святей иконе Твоей, яко солнце, в Костромских пределех возсиявшая; радуйся, зде отрасль царственную возвеличившая.

Радуйся, Тобою бо утверждаются царства; радуйся, Тобою бо венчаются царие.

Радуйся, Мати Божия, Предстательнице и Заступнице наша усердная.

Кондак 12

Благодать приявшая от Бога Сына Твоего, Дево Богородице, и ту древле излиявшая на всех прибегающих к образу Твоему, не лиши ныне и нас богатыя Твоея милости, даруй нам покаяние о гресех, да чистым сердцем и устны взываем к возлюбленному Сыну Твоему и Богу нашему: Аллилуиа.

Икос 12

Поюще Твоея милости и чудеса, хвалим Тя вси, Богородице, и, яко древлий Израиль к кивоту Завета, притекаем ко образу лица Твоего, и из глубины души вопием: воздвигни руце Твоя к Сыну Твоему, да подаст нам вся благая и спасительная с верою и любовию вопиющим Ти:

Радуйся, утешение наше в скорбех; радуйся, утоление печалей наших.

Радуйся, радосте наша безконечная; радуйся, светлосте и отрадо сердечная.

Радуйся, надеждо наша крепкая; радуйся, сирым приятелище.

Радуйся, странным прибежище; радуйся, обидимым Покровительнице.

Радуйся, оклеветаемых оправдание; радуйся, благих защищение.

Радуйся, тела моего врачевание; радуйся, души моея спасение.

Радуйся, Мати Божия, Предстательнице и Заступнице наша усердная.

Кондак 13

О Премилосердая Заступнице наша, великия ради милости Твоея даровавшая отечеству и граду нашему чудотворную икону Твою во освящение, утешение и ограждение наше, нынешнее приемши славословие, от всякаго злаго обстояния избави рабы Твоя. Скипетр благовернаго Императора нашего утверди, даруй ему здравие и спасение, на враги победу и одоление и всех нас вечных мук свободи, устнами, душею же и сердцем вопиющих: Аллилуиа.

(Этот кондак читается трижды, затем икос 1 и кондак 1)

Архангел Гавриил от Бога послан бысть во град Назарет ко Пречистей Деве Марии, и вшед к Ней рече: Радуйся, Благодатная, Господь с Тобою, благословенна Ты в женах. Архангельскому гласу подражающе, и мы, грешнии, радости и благодарения в сердце своем исполнени, пред явленным образом Твоим благохваления наша возносити к Тебе дерзаем, Пресвятая Богородице:

Радуйся, отрасле от корене Давидова благословенная; радуйся, обетом родителей в жертву Богу принесенная.

Радуйся, святых праведных Иоакима и Анны Дщи Богоданная; радуйся, триех лет во храм Божий введенная и тамо воспитанная.

Радуйся тамо смирением и чистотою всех удивившая; радуйся, тамо архангельския беседы сподобльшаяся.

Радуйся, Дево, о зачатии Бога Слова благовестие во смирении приимшая; радуйся, избранная Отроковице, к зачатию Бога Слова силою свыше осененная.

Радуйся, тайну воплощения Сына Божия, от веков в Бозе сокровенную, открывшая; радуйся, Агнице, рождшая Агнца Христа, вземшаго грехи мира.

Радуйся, Тобою бо избавляемся мук адовых; радуйся, Тобою бо сподобляемся вечныя жизни.

Радуйся, Мати Божия, Предстательнице и Заступнице наша усердная.

Взбранней Воеводе, Пренепорочней Деве Богородице, Заступнице нашей и Предстательству христиан непостыдному, явлением чудныя иконы Своея радование подавшей земле Российстей и вся верная чада Церкве просветившей, благодарение усердно приносим Ти, Богородице, и припадающе пречудному образу Твоему, умильно глаголем: спаси, Госпоже, и помилуй рабы Твоя, зовущия:

Радуйся, Матерь Божия, Предстательнице и Заступнице наша усердная.

(После акафиста читается молитва)

Молитва иконе Божией Матери «Феодоровская»

«О Премилосердая Госпоже, Царице, Богородице, приими смиренное моление наше, и не отрини нас, заступление и прибежище наше, и не возгнушайся нас, недостойных, но, яко Милосердая, не престани молящи, Егоже родила еси, да дарует нам прощение многих согрешений наших, да спасет нас, имиже весть судьбами. Помилуй нас, Владычице, помилуй нас, несть бо нам спасение от дел. Темже верно вопием Ти: помилуй рабы Твоя и неплодное сердце наше покажи плодоносно благих дел. Призри на нас, недостойных, Ты бо упование и покров наш, жизнь и свет сердцу нашему. Яко Невечерний Свет от чрева Твоего воздвигшая, озари душу нашу, Чистая, и отжени всяку мглу сердца нашего. Даруй нам умиление, покаяние и сокрушение сердечное. Сподоби нас по вся дни живота нашего творити волю Сына Твоего и Бога нашего и во всем благоугождати Ему Единому. О Богомати, не престани молящи Рождшагося от Тебе за вся, притекающия с верою к сему чудотворному образу Твоему, и подавай им скорую помощь и утешение в скорбех и напастех и злостраданиих, избави их от клеветы и злобы человеческия, от враг видимых и невидимых и всякия нужды и печали. Спаси отечество наше, град сей и вся грады и страны от всяких бед и нужд и сотвори милостива нам быти Бога нашего, отврати всякий гнев Его, на ны движимый, и избави ны от належащаго и праведнаго Его прещения. О Боголюбивая Владычице, Ангелов украшение, мучеников славо и всех святых радосте, с ними моли Господа, да сподобит нас в покаянии скончати живота нашего течение. В смерти же час, Пресвятая Дево, избави нас от власти бесовския и осуждения, и ответа, и страшнаго испытания, и мытарств горьких, и огня вечнаго, да, сподобльшеся славнаго Царствия Божия, величаем Тя и славим воплощшагося от Тебе Христа, Бога нашего, Емуже слава со Отцем и Святым Духом, ныне, и присно, и во веки веков. Аминь.»

Другие молитвы пред иконой Божией Матери «Феодоровская».

Православный Церковный календарь

Взбранная Воеводо, всего мира утешительнице и надеждо спасения рода христианскаго, к Тебе припадаем во вся дни жизни нашея, яко к источнику всех духовных дарований, и молим Тя: услыши нас, вопиющих к Тебе в часы дневныя и нощныя, в болезнех и скорбех, в нуждах и напастех, всегда в радости зовущих:

Радуйся, Владычице мира, иконою Твоею Песчанскою сердца наша утешающая.

Ангелом предстателем наченши, восхваляет Тя, Матерь Божию, вселенная вся, яко Ты еси свет просвещения разума нашего, Ты посредница наша между нами и Богом, Твоя Матерния молитвы много могут пред Престолом Вседержителя, Ты десницею Своею приводиши нас от земли к Небеси, Ты неизглаголанное и непостижимое спасения нашего сокровище, и сего ради не вемы, грешнии, киими похвалами воспети благодарная Тебе; приими же от благих сердец величания сия:

Радуйся, в райской сладости всегда пребывающая; радуйся, таковыя радости всем желающая.

Радуйся, любящих Сына Твоего чада Своя именующая; радуйся, милосердия Божия нам ходатаице.

Радуйся, о продлении жизни на земли Сына Своего умоляющая; радуйся, за умерших всех без покаяния выну скорбящая.

Радуйся, со Ангелом хранителем Хранительнице наша усердная; радуйся, на Страшнем Суде Сына Твоего едина надеждо спасения нашего.

Радуйся, Владычице мира, иконою Твоею Песчанскою сердца наша утешающая.

Видиши, о Преблагословенная Мати Божия, како велико беззаконие рода человеческаго, и того ради попусти Господь на землю и живущия на ней глады, моры, трусы, сухости и потопления. Ты же, Всемилостивая, умоли Всеблагаго Бога, да удалит от рода сего фараонитское жестокосердие, и да будет он покорен деснице Господней, да приидет в совершенное покаяние, возопив Ему согласно: Аллилуиа.

Разумом совершенным Небеснаго вестника Гавриила, благовествующаго Тебе волю Божию, яко Тебе Единей быти блаженней в женах, восприяла еси, Мати Божия. Таже предрекла еси, яко ублажати Тя будут вси роди, и от того часа возопиют Тебе святое хваление сицевое:

Радуйся, от Превечнаго Бога всего мира избранная Отроковице; радуйся, Невместимаго Бога вместилище, Спасителя нашего во утробу Свою приемшая.

Радуйся, Материю Того от Господа наименованная; радуйся, от того же времене весь мир Богоматернею любовию покрывающая.

Радуйся, живых надеждо и усопших упование в страшный час Суда Божия; радуйся, к ответу на Страшнем Суде нас приуготовляющая.

Радуйся, от рождества до разлучения души от тела нашего нас не оставляющая; радуйся, поборнице наша на рати злобных сил поднебесных.

Радуйся, Владычице мира, иконою Твоею Песчанскою сердца наша утешающая.

Сила Вышняго спасе мир от потопления греховнаго воплощением от Тебе Сына Божия, Царице Небесная, ибо враг рода нашего диавол восхоте погубити в отчуждении от истиннаго Бога весь род человеческий, в беззаконии и идолослужении ходити поучая. Господь же разруби сети его посланием в мир Сына Своего Единароднаго и Тя, Матерь чистую, дарова нам, да побеждена будет сила вражия, и да обратятся вси людие к Творцу своему и Богу вопиюще: Аллилуиа.

Имуще таковую Посредницу спасения нашего, молящеся не престаем взывати к Тебе: буди же нам ограждение и стена крепкая и необоримая, сохрани нас в вере православной отеческой во вся дни жизни нашея, научи ны покорству, чад Церкве Сына Твоего, юже стяжа Христос Кровию Своею честною. Сподоби нас благодарными быти Богу за великия милости Его, научи исполняти заповеди Его и уставы святоотеческия, направляющи нас, Всеблагая, на путь спасения. Избави от греха и гнева Божия, во еже воспевати Тебе благодарения таковая:

Радуйся, неусыпающая Молитвеннице и Ходатаице наша пред Престолом Божиим; радуйся, на Небесех царствующая и нас доле не оставляющая.

Радуйся, всех радостей неисчерпаемый источниче; радуйся, сокровище, жизнь нашу услаждающее.

Радуйся, недремлющая, нас же спящих сохраняющая; радуйся, на труды дневныя нас благословляющая.

Радуйся, благодарения Богу приносити нас научающая; радуйся, во дни праздников на путь к храму Божию стопы наша направляющая.

Радуйся, Владычице мира, иконою Твоею Песчанскою сердца наша утешающая.

Бурю внутрь имуще помышлений сумнительных, слышаша людие, окрест живущии, о велицей силе благодатней, исходящей от иконы Богоматере во граде Изюме, притекоша, припадающе ко образу с радостию великою, яко к Самей сущей Царице Небесней, имуще надежду на Тя, Пречистая, и в веселии сердец возопиша Богу: Аллилуиа.

Слышаша людие вси, яко верный Богу и Тебе, Богоматери, служитель Твой святитель Иоасаф, узрев во сне икону Твою, в неведомом храме в сорном месте лежащую, и лучезарное сияние из нея исходящее, потщася воспоминанием чуднаго видения направити стопы своя на путь искания святыни сея во всей обширней епархии своей. Егдаже града Изюма достиже, вшед в церковь, виде икону Твою, Богомати, в притворе угли кадильныя ограждающую, и абие помяну есть нощное видение, и благодать от нея исходящую ощути, и пад на колена, пред нею сице моляшеся: Прости, Царице Небесная, небрежность Твоих служителей, не ведят бо, что творят, Тебе же Самой во умилении сердца возопи таковая:

Радуйся, икон Своих чудотворных хранительнице усердная; радуйся, в сонных видениих от икон Своих многим силу благодатную показующая.

Радуйся, ветхия иконы лучезарным сиянием обновляющая; радуйся, христианом, в бедах сущим, ко святым иконам Твоим обращатися повелевающая.

Радуйся, святителя Иоасафа от ранния юности возлюбившая; радуйся, емуже чудотворную силу в иконе Твоей Песчанской открывшая.

Радуйся, первая его моления пред святынею сею приявшая; радуйся, сокровище в храме Вознесения Сына Твоего иконою Твоею явившая.

Радуйся, Владычице мира, иконою Твоею Песчанскою сердца наша утешающая.

Странно и сумнительно неверующим слышати, о Преславная Мати Царя Небеснаго, како на Твой святый образ вернии людие очима своима и умиленными душами взирающе, и от скорбей избавляются, и от бед сохраняются. Буди же нам, Всеблагая, ходатаица о спасении нашем, да вечно славим Тя со всеми небожители, вопиюще песнь: Аллилуиа.

Видев исполнение Промысла Божия на себе во обретении святыни Песчанския, пребысть святитель Иоасаф во граде Изюме три дни и три нощи, по всяк час вознося в церкви благодарственное молебное пение пред пречистым образом Богоматере, за еже удостоися чуднаго видения и глас слышати: сею иконою Пресвятая Владычица являет особое знамение Своего заступничества града сего и страны целыя, чесого ради Богородице возопиим:

Радуйся, мира неиссякаемый источниче; радуйся, сердца наша неизреченною радостию наполняющая.

Радуйся, надежду имущих на Тя не посрамляющая; радуйся, иконам Своим силу чудодействовати дарующая.

Радуйся, земных и малодушных нас не оставляющая; радуйся, печаль житейскую от сердец наших прогоняющая.

Радуйся безродных сирот заступающая Своим покровом и благодатно сохраняющая; радуйся, райскою радостию души наша озаряющая.

Радуйся, Владычице мира, иконою Твоею Песчанскою сердца наша утешающая.

Яко Боготечную звезду изюмстии людие икону Твою от рук святителя восприемше, потщашася новый храм Богу устроити. И бысть между создательми его распря на время некое; из загробнаго же мира умершая жена болярина некоего богатаго, трищи являющися мужу своему в сонном видении, повеле ему оставити скупость свою, еяже ради погибель души его бысть, и соорудити храм на богатство свое. Он же, со страхом приим вразумление свыше, созда храм в честь Вознесения Сына Твоего, Пречистая, и в веселии сердца возопи Богу: Аллилуиа.

Возсия икона Твоя чудотворная, Богомати, егда принесена бысть в новосозданный храм. Людие вернии стекахуся со всех стран от жилищ своих и наполняху не токмо храм, но и ограду, и в радости духовной взываху Ти сице:

Радуйся, первейшая помощнице в создании храма нашего; радуйся, обогатившая оный иконою Твоею чудотворною.

Радуйся, поклонения наша приемлющая; радуйся, твердое основание упования нашего.

Радуйся, град наш покровом Твоим присно покрывающая; радуйся, неусыпная Попечительнице наша.

Радуйся, Богоматернею любовию нас согревающая; радуйся, на всякий час в молитвах нас приемлющая.

Радуйся, Владычице мира, иконою Твоею Песчанскою сердца наша утешающая.

Бысть некий учитель во граде Изюме, у негоже младенцы един по единому умираху. Егда же последний бысть одержим болезнию велией, вземше родители его и несоша к иконе Твоей, Богомати, имуще едину надежду на Тя. Еще же на пути им сущу, конец постиже младенца сего. Родители же его, имуще великую веру Тебе, Пречистая, положиша младенца умершаго пред иконою Твоею. Во время же пения молебнаго начаша со слезами и воплем горьким взывати: Мати Божия, помози нам, спаси чадо наше. Ты же, Всемилостивая, видящи твердую веру их и упование на Тя, возвратила жизнь младенцу. Тогда же и людие, окрест стоящии, в радости неизреченней прославляху Тя, Пречистая, и Вседержителя Господа хваляху песнию: Аллилуиа.

Новое показа чудо Царица Небесная, егда во время пения «О Всепетая Мати» воскресшему младенцу уста отверзе и повеле ему гласом воздати хвалу Тебе. Вси же, зряще знамение сие, во умилении сердечнем возопиша Тебе тако:

Радуйся, умерших оживление; радуйся, рыдающих родителей увеселение.

Радуйся, чудесами от иконы Твоея к Себе призывающая; радуйся, безнадежных Надеждо крепкая.

Радуйся, Подательнице утешения унывающим; радуйся, в скорбех сущих приемлющая.

Радуйся, у Сына Твоего и Бога нашего всяких благ нам испрошающая; радуйся, всю жизнь нашу земную во благо нам устрояющая.

Радуйся, Владычице мира, иконою Твоею Песчанскою сердца наша утешающая.

Хотящи явити ко всем притекающим милосердие Свое, вразумила еси служителя Олтаря Господня, иже во искушение впаде от врага рода человеческаго и завистию мучим, дерзну запретити молебное пение Царице Небесней пред иконою Ея, поразила еси того болезею. Егда же принесоша его на одре и положиша пред чудотворным образом Твоим, нача молити Тя: Мати Милосердная, прости ожесточение сердца моего и воздвигни мя от одра болезни. По скончании же пения молебнаго, исцеление восчувствовав, востав, облобыза честный образ, со слезами благодарне вопия Богу: Аллилуиа.

Вся бывши горе, и земных не оставляеши, о Всеблагая и Всемилостивая Мати Божия: Ты, якоже и Сын Твой, не хощеши смерти грешника, но еже обратитися и живу ему быти. За таковую Твою милость взываем вси Тебе:

Радуйся, иереев Божиих вразумление; радуйся, временно наказующая и вечно милующая.

Радуйся, в болезнех сущих к Себе призывающая; радуйся, истинному покаянию научающая.

Радуйся, неусыпающая Молитвеннице и Ходатаице наша пред Престолом Божиим; радуйся, надежду имущих на Тя никогдаже посрамляющая.

Радуйся, разслабленным телом и духом скорое врачевание подавающая; радуйся, во всякой беде и нужде нас не оставляющая.

Радуйся, Владычице мира, иконою Твоею Песчанскою сердца наша утешающая.

Всякое естество ангельское удивися о неописуемом мори чудес, изливаемом от икон Твоих, Богородице: Тебе ублажают вси роди, Тебе величают вся Небесныя Силы, и мы, земнороднии, Тебе, едину отраду и утешение в жизни сей временней, прославляюще, о Тебе Сыну Твоему вопием: Аллилуиа.

Витии многовещаннии явишася людие, обретше помощь в велицем озлоблении своем, егда за беззакония их попусти Господь велицей болезни во граде Изюме быти и во всех весех его, и множество людей погибоша. Страх же нападе на всяк возраст. Темже людие, вземше Пречистый образ Твой, несоша его освящения ради улиц и домов, с молитвою слезною взывающе: О Всеблагая Целительнице, спаси нас от смерти лютыя. Ты же, Всемилостивая, укротила бурю смертную, люди же научила еси благодарственно воспевати Богу славу подобающую, Тебе же Самой взывати сице:

Радуйся, слезы наша изсушающая; радуйся, бездно врачеваний неистощимая.

Радуйся, радость в храмины наша приносящая; радуйся, родителей милующая и детей сохраняющая.

Радуйся, веселие вечное нам уготовляющая; радуйся, с нами присносущая.

Радуйся, в земном уделе нас не оставляющая; радуйся, к небесному наследию нас руководствующая.

Радуйся, Владычице мира, иконою Твоею Песчанскою сердца наша утешающая.

Спасти хотящи люди Своя от зол многих, даровала еси икону Твою, Владычице, слепым в прозрение, хромым в хождение, разслабленным в востание, беснующимся в исцеление, гордым в смирение, нераскаянным в покаяние, всем коегождо недуга исцеление, зол и скорбей, и болезней отгнание, градов утверждение, земли плодоносие, за няже никтоже от земнородных возможет восхвалити Тя по достоянию, по величеству милости Твоея к роду человеческому. Мы же, любовию понуждаеми, дерзаем взывати Богу, усыновившему нас Тебе при Кресте Своем и даровавшему нам таковую Путеводительницу на Небо: Аллилуиа.

Стена еси всем прибегающим к Тебе, Дево, всегда являешися, и почитателю иконы Твоея Игнатию, имевшему благое намерение посетити святый град Иерусалим и Святую Землю, юже освяти Господь стопами Своими, Помощница еси явилася, егда той, пад пред образом Твоим, прошаше на путь благословения и помощи Твоея. Ты же, Всещедрая, неотложно чрез рабу некую злата довольно подала еси ему, да исполнит благое желание свое. Он же умиленною душею вознесе Тебе благодарственное хваление сицевое:

Радуйся, добрая намерения благословляющая; радуйся, на путь к Царствию Небесному нас наставляющая.

Радуйся, спасительною истиною нас вразумляющая; радуйся, к благочестию и целомудрию жизнь нашу направляющая.

Радуйся, на опасных путех нас охраняющая; радуйся, от соблазнов мира сего мудро отводящая.

Радуйся, от погибельнаго пути сохраняющая; радуйся, посещающих святая места обильно благословляющая.

Радуйся, Владычице мира, иконою Твоею Песчанскою сердца наша утешающая.

Пение хвалебноблагодарственное приносяще Тебе, Владычице, вемы, каковую скорбь приносим грешнии Сыну Твоему отступствы своими, маловерием, суеверием и прочим зловерием. Молити убо Тебе, Всемилостивая, не престаем: Своим предстательством и ходатайством пред Престолом Божиим сохрани нас в лоне Святей Соборней и Апостольстей Церкви, да будем вси едино, якоже Отец, Сын и Святый Дух. Да в единстве веры воспеваем Богу: Аллилуиа.

Яко светоприемную свещу явила еси, Владычице, икону Твою во граде сем Изюме, источник благодатныя воды открыла еси близ храма Сына Твоего, идеже икона Твоя чудотворная Песчанская пребывает, слепорожденному младенцу прозрение от нея даровала еси, за еже людие от времене того почерпают благий дар сей на пользу душевную и телесную. Тебе же Самой, Владычице, от усердия своего взывают:

Радуйся, жизни нашея укрепление; радуйся, водою святою немощи наша врачующая.

Радуйся, почерплющим ея силы обновляющая; радуйся, беззакония наша истребляющая.

Радуйся, с верою приемлющим исцеление недугов подавающая; радуйся, неистощимый кладезю сокровищ духовных.

Радуйся, скверну нечистоты нашея умывающая; радуйся, чудотворною силою водный источник доныне сохраняющая.

Радуйся, Владычице мира, иконою Твоею Песчанскою сердца наша утешающая.

Благодать исходит всегда, Пречистая, от иконы Твоея Песчанския: яко непобедимая Воевода на враги наша, видимыя и невидимыя, нечистыя духи прогоняеши, враждующия миром и любовию умудряеши, непокорныя наказуеши, раздоры семейныя соузом любве связуеши, неведущия и неверующия на путь истинный наставляеши; мы же, прославляюще Тя, Всеблагую Помощницу в жизни нашей, благодарне воспеваем Богу: Аллилуиа.

Поем Твое из древних времен дивное защищение Отечества нашего, егда постигоша его глады и моры, огнь и опустошение, нашествия иноплеменных и междоусобныя брани. У Тебе, Владычице, отцы и матери, и малая дети со слезами помощи прошаху, Ты же, Всеблагая, спасение даровала еси неотложно, покрывающи омофором Твоим Отечество наше. Мы же Тебе, Избавительнице нашей, вопием сие благодарение и похвалы сицевая:

Радуйся, правоверных верная Хранительнице; радуйся, правыя брани Споборнице.

Радуйся, христианских обителей и всех святынь Хранительнице; радуйся, о Отечестве нашем пред Богом Молитвеннице.

Радуйся, Отечества нашего небеснаго Зиждительнице; радуйся, во времена нашествия иноверных наша Свободительнице.

Радуйся, во время глада наша Кормительнице; радуйся, во время бедствий нас не оставляющая.

Радуйся, Владычице мира, иконою Твоею Песчанскою сердца наша утешающая.

О Всепетая Мати, приими от нас благодарное пение сие, Тебе возносимое. Буди нам в жизни сей Ходатаица пред Богом о Жизни Вечной, да выну благодарно восхваляем Тя и Богу поем: Аллилуиа.

Этот кондак читается трижды, затем икос 1-й «Ангелом предстателем…» и кондак 1-й «Взбранная Воеводо…».

Молитва

О премилостивая и премилосердная Мати Божия, Покровительнице державы нашея, купно же и о всем мире Молитвеннице, приими сердца нашего воздыхания, и услыши коленопреклоненныя молитвы, во умилении душ наших Тебе возсылаемыя, якоже издревле приимала еси молитвы любящих душ зде, пред иконою Твоею возносимыя. Помози нам в побеждении прелестей и соблазнов мира сего, не попусти нам отверженным быти вечнаго Небеснаго блаженства. Ты Едина наша радость и утешение в жизни сей временней, Ты наша надежда и в Жизни Вечней. Веруем, яко Ты Своею Матернею любовию и снисхождением удостоиши нас вожделеннаго Царствия Сына Твоего. Тебе убо просим: не отступай от нас, Всеблагая, защищай от всех козней вражиих, не попусти нам чрез грехи наша лишитися милосердия Божия, изжени из нас леность в молитве и посещении храма Божия. Избави нас от малодушия, уныния, вражды, гнева, подозрения, зависти, клеветы, ненависти и гордости бесовския. Вразуми поправших заповеди Церкве Христовы. Сродником нашим даруй мир и любовь, да согласно поживут родители и дети. Да будет в стране нашей правда Божия, да сохранятся в народе нашем благочестивии обычаи. Вознеси, о Всеблагая, усердныя молитвы пред Богом о всего мира умирении, да не погибнет род людский в пламени опустошения всемирнаго, да познают вси народи Отца Своего Небеснаго и Тя, Матерь Божию, Заступницу рода христианскаго. Приведи вся народы к истинному покаянию и жизни греховныя исправлению, да не осудимся в день Страшнаго Суда Божия, но да сподобит нас Господь вечныя радости в Небесных селениих, Емуже подобает всякая слава, честь и поклонение, Отцу и Сыну и Святому Духу, ныне и присно и во веки веков. Аминь.

Добавить комментарий

Ваш e-mail не будет опубликован. Обязательные поля помечены *