На исход души

Содержание

Молитвенное правило преподобного Амвросия Оптинского, читаемое во время искушений

Молитвенное правило преподобного Амвросия Оптинского, читаемое во время искушений. — М.: Изд. Сретенского монастыря, 2006. Мягкий переплет — 32 с.

Преподобный старец Амвросий Оптинский предлагал обращающимся к нему в самых различных скорбях и напастях особые краткие молитвенные правила, посильные для каждого христианина. Старец по своему опыту знал, как действуют эти молитвы, как укрепляют ослабевший дух человека, как разоряются вражьи наветы, если эти молитвы читать с верой и упованием на всемогущую помощь Божию. Мы приводим здесь эти правила, составленные из псалмов Давидовых, вместе с отрывками из писем преподобного Амвросия.

ИЗ ПИСЕМ ПРЕПОДОБНОГО АМВРОСИЯ ОПТИНСКОГО

Надейся на милость и помощь Божию и веруй, что силен Господь избавить тебя от всех козней человеческих и вражеских. Сказано в псалмах: «Господь разоряет со­веты языков и отметает мысли людей; совет же Господень пребывает во век «.

Выписываю тебе псалмы, которыми молился святой Давид, когда был в гонении от врагов: 3-й, 53-й, 58-й, 142-й. Выбери из этих псалмов приличные для тебя слова и почасту прочитывай их, обращаясь к Богу с верою и смирением. А когда будет бороть тебя уныние или томить душу безотчетная скорбь — прочитывай 101-й псалом.

Псалом Давиду, иногда отбегаше от лица Авессалома, сына своего, 3.

Господи, что ся умножиша стужающии ми? Мнози востают на мя, мнози глаголют души моей: несть спасения ему в Бозе его. Ты же, Господи, Заступник мой есй, слава моя и возносяй главу мою. Гла­сом моим ко Господу воззвах, и услыша мя от горы святыя Своея. Аз уснух, и спах, востах, яко Господь заступит мя. Не убоюся от тем людей, окрест нападающих на мя. Воскресни, Господи, спаси мя, Боже мой, яко Ты поразил еси вся враждующыя ми всуе: зубы грешников сокрушил еси. Господне есть спасение, и на людех Твоих бла­гословение Твое.

В конец, в песнех разума Давиду. Внегда приити Зифеем и рещи Саулови: не се ли Давид скрыся в нас? 53.

Боже, во имя Твое спаси мя и в силе Твоей суди ми. Боже, услыши молитву мою, внуши глаголы уст моих. Яко чуждии восташа на мя, и крепцыи взыскаша душу мою, и не предложиша Бога пред собою. Се бо Бог помогает ми, и Господь Заступник души моей. Отвратит злая врагом моим, истиною Твоею потреби их. Волею пожру Тебе, исповемся имени Твоему, Господи, яко благо, яко от всякия печали избавил мя еси, и на враги моя воззре око мое.

В конец, да не растлиши, Давиду в столпописание, внегда посла Саул, и стреже дом его, еже умертвити его, 58.

Изми мя от враг моих, Боже, и от востающих на мя избави мя. Избави мя от делающих беззаконие и от муж кровей спаси мя. Яко се уловиша душу мою, нападоша на мя крепцыи, ниже беззаконие мое, ниже грех мой, Господи. Без беззакония текох и исправих, востани в сретение мое и виждь. И Ты, Господи Боже сил, Боже Израилев, вонми посетити вся языки, да не ущедриши вся делающыя беззаконие. Возвратятся на вечер и взалчут, яко пес, и обыдут град. Се тии отвещают усты своими, и мечь во устнах их, яко кто слыша? И Ты, Господи, посмеешися им, уничижиши вся языки. Державу мою к Тебе сохраню, яко Ты, Боже, Заступник мой еси. Бог мой, милость Его предварит мя, Бог мой, явит мне на вразех моих. Не убий их, да не когда забудут закон Твой, расточи я силою Твоею, и низведи я, Защитниче мой, Господи. Грех уст их, слово устен их, и яти да будут в гордыни своей, и от клятвы и лжи возвестятся в кончине. Во гневе кончины, и не будут: и уведят, яко Бог владычествует Иаковом и концы земли. Возвратятся на вечер, и взалчут, яко пес, и обыдут град. Тии разыдутся ясти. Аще ли же не насытятся, и поропщут. Аз же воспою силу Твою и возрадуюся заутра о милости Твоей, яко был еси Заступник мой и Прибежище мое в день скорби моея. Помощник мой еси, Тебе пою: яко Бог Заступник мой еси, Боже мой, милость моя.

Псалом Давилу, егда гоняше его Авессалом, сын его, 142.

Господи, услыши молитву мою, внуши моление мое во истине Твоей, услыши мя в правде Твоей: и не вниди в суд с рабом Твоим, яко не оправдится пред Тобою всяк живый. Яко погна враг душу мою, смирил есть в землю живот мой, посадил мя есть в темных, яко мертвыя века. И уны во мне дух мой, во мне смятеся сердце мое. Помянух дни древния, поучихся во всех делех Твоих, в творениих руку Твоею поучахся. Воздех к Тебе руце мои, душа моя, яко земля безводная Тебе. Скоро услыши мя, Господи, исчезе дух мой, не отврати лица Твоего от мене, и уподоблюся низходящим в ров. Слышану сотвори мне заутра милость Твою, яко на Тя уповах. Скажи мне, Господи, путь, воньже пойду, яко к Тебе взях душу мою. Изми мя от враг моих, Господи, к Тебе прибегох. Научи мя творити волю Твою, яко Ты еси Бог мой. Дух Твой Благий наставит мя на землю праву. Имене Твоего ради, Господи, живиши мя, правдою Твоею изведеши от печали душу мою. И милостию Твоею потребиши враги моя и погубиши вся стужающыя души моей, яко аз раб Твой есмь.

Молитва нищаго, егда уныет, и пред Господем пролиет моление свое, 101.

Господи, услыши молитву мою, и вопль мой к Тебе да приидет. Не отврати лица Твоего от мене: воньже аще день скорблю, приклони ко мне ухо Твое: воньже аще день призову Тя, скоро услыши мя. Яко исчезоша яко дым дние мои, и кости моя яко сушило сосхошася. Уязвен бых яко трава, и изсше сердце мое, яко забых снести хлеб мой. От гласа воздыхания моего прильпе кость моя плоти моей. Уподобихся неясыти пустынней, бых яко нощный вран на нырищи. Бдех и бых яко птица особящаяся на зде. Весь день поношаху ми врази мои, и хвалящий мя мною кленяхуся. Зане пепел яко хлеб ядях, и питие мое с плачем растворях. От лица гнева Твоего и ярости Твоея: яко вознес низвергл мя еси. Дние мои яко сень уклонишася, и аз яко сено изсхох. Ты же, Господи, во век пребываеши, и память Твоя в род и род. Ты воскрес ущедриши Сиона, яко время ущедрити его, яко прииде время. Яко благоволиша раби Твои камение его, и персть его ущедрят. И убоятся языцы имене Господня, и вси царие земстии славы Твоея. Яко созиждет Господь Сиона, и явится во славе Своей. Призре на молитву смиренных, и не уничижи моления их. Да напишется сие в род ин, и людие зиждемии восхвалят Господа. Яко приниче с высоты святыя Своея, Господь с Небесе на землю призре, услышати воздыхание окованных, разрешити сыны умерщвленных, возвестити в Сионе имя Господне, и хвалу Его во Иерусалиме. Внегда собратися людем вкупе и царем, еже работати Господеви. Отвеща Ему на пути крепости Его: умаление дней моих возвести ми. Не возведи мене во преполовение дней моих: в роде родов лета Твоя. В началех Ты, Господи, землю основал еси, и дела руку Твоею суть небеса. Та погибнут, Ты же пребываеши, и вся яко риза обетшают, и яко одежду свиеши я, и изменятся. Ты же тойжде еси, и лета Твоя не оскудеют. Сынове раб Твоих вселятся, и семя их во век исправится.

Толкования Священного Писания

Слышану сотвори мне заутра милость твою, яко на тя уповах: скажи мне, Господи, путь, в оньже пойду, яко к тебе взях душу мою

Другой (неизвестный переводчик, см. Ориг. Экз.): «услышанною сотвори мне с утра милость твою» (εξ ορθρου), т.е. скоро. Видишь ли душу, находящуюся в скорби и смущении? Она хочет быть услышанною прежде испытания, чтобы укре­питься надеждами и испытанием. Смысл этих слов следую­щий: воставь меня по Своему обещанию. Затем присовокупляет и основание прошения: «я на Тебя, говорит, уповал». Бог ничего так не требует, как постоянного обращения к Нему. «Покажи мне, Господи, путь, по коему мне идти, ибо к Тебе я вознесся душою моею». Что говоришь ты? Когда и природа имеет закон, в самом начале внедренный в нее Богом, и Моисеевы писания обнов­ляют его, ты опять просишь: «покажи мне, Господи, путь, по коему мне идти»? Это можно понимать или так: совесть моя заглушена грехом, и потому я прошу обновить ее; или под именем пути здесь разумеется многое, неизвестное людям, на что указывает и Павел, когда говорит: «мы не знаем, о чем молиться, как должно» (Рим.8:26). Если же Павел, при таком ведении, не знал этого, то можно ли удивляться словам Псалмопевца? Впрочем, посмотри, он не желает здесь ничего чувственного, но ищет пути, ведущего к Богу, и сам от себя полагает тому начало. Он не просто сказал: «покажи мне, Господи, путь», ведущий к Тебе, но что? «Ибо к Тебе я вознесся душою моею», т.е. к Тебе стремлюсь, к Тебе обращаю взоры. Таким людям особенно Бог указывает путь. Вот потому-то об иудеях Господь, на вопрос, почему Он говорит им в притчах, сказал: «что они видя не видят, и слыша не слышат» (Мф.13:13). А слово: «вознесся» зна­чит: я перенес, или передал Тебе душу мою.

Беседы на псалмы. На псалом 142.

Скрыть перевод

Трисвятое:

Святы́й Бо́же, Святы́й Кре́пкий, Святы́й Безсме́ртный, поми́луй нас. (Читается трижды, с крестным знамением и поясным поклоном)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Молитва ко Пресвятой Троице

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (Трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Молитва Господня

О́тче наш, Иже еси́ на небесе́х, да святится имя Твое́, да прии́дет ца́рствие Твое́, да бу́дет во́ля Твоя́, я́ко на небеси́ и на земли. Хлеб наш насущный даждь нам днесь; и остави нам долги на́ша, я́коже и мы оставляем должником нашим; и не введи нас во искушение, но изба́ви нас от лука́ваго.

Го́споди, поми́луй. (12 раз)

Тропари, глас 4-й

Со ду́хи праведных скончавшихся ду́шу раба́ Твоего́ (рабы Твоей), Спасе, упокой, сохраняя ю во блаженней жизни, я́же у Те́бе, Человеколю́бче.

В покоищи Твое́м, Го́споди, иде́же вси святи́и Твой упокоеваются, упокой ду́шу раба́ Твоего́, я́ко Един еси́ Человеколюбец.

Слава: Ты еси́ Бог, соше́дый во ад и узы окованных разреши́вый, Сам и ду́шу раба́ Твоего́ упокой.

И ныне: Едина чистая и непорочная Де́во, Бо́га без се́мене рождшая, моли спасти́ся ду́ши его.

Псалом 90

Живы́й в по́мощи Вы́шняго, в кро́ве Бо́га небе́снаго водвори́тся. Рече́т Го́сподеви: засту́пник мой еси́ и прибе́жище мое́, Бог мой, и упова́ю на Него́. Я́ко Той изба́вит тя от се́ти ло́вчи, и от словесе́ мяте́жна, плещма́ Свои́ма осени́т тя, и под криле́ Его́ наде́ешися, ору́жием обы́дет тя и́стина Его́. Не убои́шися от стра́ха нощна́го, от стрелы́ летя́щия во дни, от ве́щи во тьме преходя́щия, от сря́ща и бе́са полу́деннаго. Паде́т от страны́ твое́й ты́сяща, и тьма одесну́ю тебе́, к тебе́ же не прибли́жится, оба́че очи́ма твои́ма смо́триши и воздая́ние гре́шников у́зриши. Я́ко Ты, Го́споди, упова́ние мое́; Вы́шняго положи́л еси́ прибе́жище твое́. Не прии́дет к тебе́ зло, и ра́на не прибли́жится телеси́ твоему́, я́ко А́нгелом Свои́м запове́сть о тебе́, сохрани́ти тя во всех путе́х твои́х. На рука́х во́змут тя, да не когда́ преткне́ши о ка́мень но́гу твою́; на а́спида и васили́ска насту́пиши, и попере́ши льва и зми́я. Я́ко на Мя упова́, и изба́влю и; покры́ю и, я́ко позна́ и́мя мое́. Воззове́т ко Мне, и услы́шу его́, с ним есмь в ско́рби, изму́ его́ и просла́влю его́, долгото́ю дней испо́лню его́ и явлю́ ему́ спасе́ние мое́.

Песнь 1

Ирмос: Во́ду проше́д, я́ко су́шу, и еги́петскаго зла избежа́в, изра́ильтянин вопия́ше Изба́вителю и Бо́гу на́шему пои́м.

Припев: Поко́й, Го́споди, ду́шу усо́пшаго раба́ Твоего́.

Отве́рз уста́ моя́, Спа́се, сло́во ми пода́ждь моли́тися, Милосе́рде, о преста́вленнем рабе́ Твое́м (имярек), да поко́иши ду́шу его, Влады́ко.

Припев: Поко́й, Го́споди, ду́шу усо́пшаго раба́ Твоего́.

Мертв быв пло́тию, Спа́се, и во гро́бе положе́н с ме́ртвыми, ду́шу раба́ Твоего́ поко́й в ме́сте зла́чне, я́ко Милосе́рд.

Слава: Моле́бный глас мой услы́ши, Бо́же Триипоста́сне, и учини́ ду́шу преста́вленнаго в не́дрех Авраа́млих, Изба́вителю.

И ныне: Ты, Пречи́стая Богоро́дице, Его́же без и́скуса му́жеска заче́нши родила́ еси́, моли́ Сы́на Твоего́ пода́ти поко́й рабу́ Твоему́ преста́вленному (имярек).

Песнь 3

Ирмос: Небе́снаго кру́га Верхотво́рче, Го́споди, и Це́ркве Зижди́телю, Ты мене́ утверди́ в любви́ Твое́й, жела́ний кра́ю, ве́рных утвержде́ние, Еди́не Человеколю́бче.

Припев: Поко́й, Го́споди, ду́шу усо́пшаго раба́ Твоего́.

В ме́сте зла́чне, в ме́сте поко́йне, иде́же ли́цы святы́х веселя́тся, ду́шу раба́ Твоего́ преста́вленнаго поко́й, Христе́, Еди́не Ми́лостиве.

Припев: Поко́й, Го́споди, ду́шу усо́пшаго раба́ Твоего́.

Иде́же ли́цы святы́х, та́мо вчини́, Влады́ко, послужи́вшаго Тебе́ всем се́рдцем и воздви́гшаго и́го Твое́ на ра́мо свое́, я́ко Еди́н Влады́ка живота́ и сме́рти.

Слава: Небе́сный Отче Вседержи́телю, и Сы́не Единоро́дный, и Ду́ше Святы́й Исхо́дный, пре́зри уме́ршаго согреше́ния, и в Це́ркви пе́рвенец всели́ его́, сла́вити Тя со все́ми уго́ждшими Тебе́.

И ныне: Яко Ма́ти Свята́я Пресвята́го Бо́га, Влады́чице вся́ческих, Мари́е Богоро́дице, со все́ми святы́ми Сего́ моли́ ду́шу поко́ити раба́ Твоего́ в Небе́сных селе́ниих.

Песнь 4

Ирмос: Услы́шах, Го́споди, смотре́ния Твоего́ та́инство, разуме́х дела́ Твоя́ и просла́вих Твое́ Божество́.

Припев: Поко́й, Го́споди, ду́шу усо́пшаго раба́ Твоего́.

Соше́дый в преиспо́дняя, Христе́, совоздви́гл еси́ уме́ршия вся, и преста́вльшагося от нас поко́й, Спа́се, я́ко щедр.

Припев: Поко́й, Го́споди, ду́шу усо́пшаго раба́ Твоего́.

Никто́же без греха́ есть, то́кмо Ты Еди́н, Влады́ко: сего́ ра́ди преста́вленному и грехи́ оста́ви, и в рай того́ всели́.

Слава: Услы́ши, Тро́ице Свята́я, гла́сы моле́бныя, приноси́мыя Тебе́ в це́ркви о усо́пшем, и Богонача́льным Твои́м све́том озари́ ду́шу, омраче́нную су́етными приверже́нии.

И ныне: Родила́ еси́, Пречи́стая, без му́жеска се́мене, Бо́га соверше́нна и Челове́ка соверше́нна, взе́млющаго грехи́ на́ша, Де́во. Того́ моли́, Госпоже́, преста́вльшемуся рабу́ Твоему́ пода́ти поко́й.

Песнь 5

Ирмос: Просвети́ нас повеле́нии Твои́ми, Го́споди, и мы́шцею Твое́ю высо́кою Твой мир пода́ждь нам, Человеколю́бче.

Припев: Поко́й, Го́споди, ду́шу усо́пшаго раба́ Твоего́.

Имы́й живота́ и сме́рти власть, преста́вленнаго от нас поко́й, Христе́ Бо́же, Ты бо еси́ всех, Спа́се, Поко́й и Живо́т.

Припев: Поко́й, Го́споди, ду́шу усо́пшаго раба́ Твоего́.

На Тя, Спа́се, наде́жду возло́жь, уме́рый оты́де от нас; Ты же, Го́споди, уще́дри его́, я́ко Бог Многоми́лостив.

Слава: Просвети́ нас, Трисвя́те, воспева́емый Влады́ко, моля́щихся Тебе́, мир небе́сный прия́ти, и в ми́рных се́лех ду́шу вчини́, отше́дшую от вре́менных в наде́жде безконе́чныя жи́зни.

И ныне: Шу́йяго стоя́ния, Пречи́стая, изба́вити преста́вленнаго умоли́ Сы́на Твоего́, Де́во Госпоже́, я́ко Спа́са и Бо́га на́шего Ма́ти су́щая.

Песнь 6

Ирмос: Моли́тву пролию́ ко Го́споду, и Тому́ возвещу́ печа́ли моя́, я́ко зол душа́ моя́ испо́лнися и живо́т мой а́ду прибли́жися, и молю́ся, я́ко Ио́на: от тли, Бо́же, возведи́ мя.

Припев: Поко́й, Го́споди, ду́шу усо́пшаго раба́ Твоего́.

А́да испрове́рг, Влады́ко, воскреси́л еси́ уме́ршия от ве́ка: и ны́не преста́вленнаго от нас, в не́дро Авраа́мле Ты, Бо́же, всели́, прегреше́ния вся отпусти́в, я́ко Милосе́рд.

Припев: Поко́й, Го́споди, ду́шу усо́пшаго раба́ Твоего́.

За́поведь, ю́же ми дал еси́, Бо́же, преступи́х и сме́ртен бых, но Ты, Бо́же, соше́дый во гроб и ду́ши я́же от ве́ка воскреси́вый, не возста́ви мене́, Влады́ко, на муче́ние, но на поко́й, преста́вленный вопие́т Тебе́ с на́ми, Многоми́лостиве.

Слава: Мо́лим Тя, Безнача́льне Отче и Сы́не и Ду́ше Святы́й, зло́бою душезло́бнаго ми́ра озло́бленную и к Тебе́, Зижди́телю, преше́дшую ду́шу во а́дово дно не отри́ни, Бо́же Спа́се мой.

И ныне: С небесе́ Христо́с Бог наш, я́ко дождь на руно́, Пречи́стая, сни́де на Тя, напая́я весь мир и изсуша́я вся безбо́жныя пото́ки, наводня́яй всю зе́млю ра́зумом Свои́м, Присноде́во; Того́ моли́ да́ти поко́й преста́вленному рабу́ Твоему́.

Кондак, глас 8

Со святы́ми упоко́й, Христе́, ду́шу раба́ Твоего́, иде́же несть боле́знь, ни печа́ль, ни воздыха́ние, но жизнь безконе́чная.

Икос

Сам Еди́н еси́ Безсме́ртный, сотвори́вый и созда́вый челове́ка: земни́и у́бо от земли́ созда́хомся и в зе́млю ту́южде по́йдем, я́коже повеле́л еси́, Созда́вый мя и реки́й ми: я́ко земля́ еси́ и в зе́млю оты́деши, а́може вси челове́цы по́йдем, надгро́бное рыда́ние творя́ще песнь: Аллилу́ия, Аллилу́ия, Аллилу́ия.

Песнь 7

Ирмос: От Иуде́и доше́дше о́троцы, в Вавило́не иногда́, ве́рою Тро́ическою пла́мень пе́щный попра́ша, пою́ще: отце́в Бо́же, благослове́н еси́.

Припев: Поко́й, Го́споди, ду́шу усо́пшаго раба́ Твоего́.

Влады́ко Христе́ Бо́же, егда́ хо́щеши суди́ти ми́ру, пощади́ ду́шу раба́ Твоего́, его́же от нас прия́л еси́, вопию́щаго: оте́ц на́ших Бо́же, благослове́н еси́.

Припев: Поко́й, Го́споди, ду́шу усо́пшаго раба́ Твоего́.

В пи́щи ра́йстей, иде́же пра́ведных ду́ши веселя́тся, послужи́вших Тебе́, причти́ с ни́ми, Христе́, ду́шу раба́ Твоего́, воспе́вшаго: оте́ц на́ших Бо́же, благослове́н еси́.

Слава: Иуде́йския три о́троки спасы́й во огни́, в Трие́х Ли́цех воспе́тый, изба́ви огня́ ве́чнаго усо́пшаго, воспе́вшаго Ти ве́рно: оте́ц на́ших Бо́же, благослове́н еси́.

И ныне: Иса́иа Тя Жезл нарече́, Чи́стая, Дании́л же Го́ру Несеко́мую, Иезеки́иль же Дверь, из Нея́же про́йде Христо́с, мы же Тя, Истинную Богоро́дицу имену́юще, велича́ем.

Песнь 8

Ирмос: Седмери́цею пещь, халде́йский мучи́тель, богочести́вым неи́стовно разжже́, си́лою же лу́чшею спасе́ны сия́ ви́дев, Творцу́ и Изба́вителю вопия́ше: о́троцы, благослови́те, свяще́нницы, воспо́йте, лю́дие, превозноси́те во вся ве́ки.

Припев: Поко́й, Го́споди, ду́шу усо́пшаго раба́ Твоего́.

Сконча́в тече́ние и к Тебе́ прибего́х, Го́споди, преста́вленный вопие́т ны́не: прегреше́ния оста́ви, Христе́ Боже, и не осуди́ мене́, егда́ хо́щеши суди́ти всем, ве́рно бо Тебе́ взыва́х: вся дела́ Госпо́дня, Го́спода по́йте и превозноси́те Его́ во ве́ки.

Припев: Поко́й, Го́споди, ду́шу усо́пшаго раба́ Твоего́.

Поне́сшаго, Влады́ко, и́го Твое́ на ра́ме свое́м, и бремя Твое́ ле́гкое, а́ще и не всегда́, оба́че в ме́сте преподо́бных Твои́х всели́ ду́шу его, воспе́вшаго Тебе, Христе́ Спа́се: о́троцы, благослови́те, свяще́нницы, воспо́йте, лю́дие, превозноси́те Его́ во ве́ки.

Благослови́м Отца́ и Сы́на и Свята́го Ду́ха, Го́спода.

Безнача́льная Тро́ице Свята́я, Бо́же Отче и Сы́не и Ду́ше Святы́й, в ли́це святы́х причти́ ду́шу преста́вленнаго раба́ Твоего́ и огня́ ве́чнаго изба́ви, да Тя хва́лит, воспева́я во ве́ки: о́троцы, благослови́те, свяще́нницы, воспо́йте, лю́дие, превозноси́те Его́ во ве́ки.

И ныне: Тя, Де́во, проро́честии ли́цы прореко́ша, прозря́ще бо Тя прозорли́выма очи́ма: ов у́бо Жезл нарече́ Тя, ин же Дверь Восто́чную, ов же Го́ру, челове́ки Несеко́мую. Мы же испове́дуем Тя вои́стинну Богоро́дицу, Бо́га вся́ческих ро́ждшую, Его́же моли́ упоко́ити преста́вленнаго во ве́ки вся.

Песнь 9

Ирмос: Ужасе́ся о сем не́бо, и земли́ удиви́шася концы́, я́ко Бог яви́ся челове́ком пло́тски, и чре́во Твое́ бысть простра́ннейшее Небе́с. Тем Тя, Богородицу, Ангелов и челове́к чинонача́лия велича́ют.

Припев: Поко́й, Го́споди, ду́шу усо́пшаго раба́ Твоего́.

Иису́се Бо́же мой, Спа́се, Ада́мле Ты взял еси́ преступле́ние и сме́рти вкуси́л еси́, да челове́ки от нея́ свободи́ши, Милосе́рде. Те́мже мо́лим Тя, Ми́лостиве: преста́вленнаго поко́й, я́ко Благ, во дво́рех святы́х Твои́х, я́ко Еди́н Всеблаги́й и Милосе́рдый.

Припев: Поко́й, Го́споди, ду́шу усо́пшаго раба́ Твоего́.

Несть никто́же, Милосерде, и́же не согреши́ в челове́цех, то́кмо Ты Един, Иису́се Христе, взе́мляй грехи́ всего́ ми́ра. Те́мже, очи́стив раба́ Твоего́ от прегреше́ний, вчини́ во святы́х Твои́х дво́рех: Ты бо Живо́т еси́ и Поко́й, и Свет, и Весе́лие всех Тебе́ благоугоди́вших.

Слава: Удиви́ся все естество́ челове́ческое, ка́ко Безнача́льнаго Отца́ Сын Единоро́дный, плоть от Де́вы де́йством Свята́го Ду́ха прия́л еси́, и пострада́л еси́ я́ко челове́к, да уме́ршыя оживи́ши. Тем и преста́вленнаго ны́не от нас, приле́жно мо́лим Тя, во стране́ живых, я́ко Благ, всели́.

И ныне: Неве́сту Тя нарица́ем, Пречи́стая, Отца́ неви́димаго, и Ма́терь Сы́на, из Тебе́ Ду́хом Святы́м воплоще́ннаго, и Моле́бницу Тя о усо́пшем рабе́ Твое́м предлага́ем: Тебе́ бо Помо́щницу и́мамы земни́и, и любо́вию пою́ще Тя велича́ем.

* * *

Досто́йно есть я́ко вои́стину блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды, с крестным знамением и поясным поклоном)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (Трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, Иже еси́ на небесе́х, да святится имя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли. Хлеб наш насущный даждь нам днесь; и остави нам долги на́ша, я́коже и мы оставляем должником нашим; и не введи нас во искушение, но изба́ви нас от лука́ваго.

Тропарь, глас 6

Еди́н естество́м сый Животво́рец, Христе́, и бла́гости вои́стинну неизсле́димая пучи́но, ны́не преста́вльшагося раба́ Твоего́ Ца́рствия Твоего́ сподо́би: Ты бо Еди́н еси́ име́яй мно́жество щедро́т и безсме́ртие.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен:

Исто́чник живота́ ро́ждшая, Влады́чице, Изба́вителя ми́ру Иису́са Го́спода, Того́ приле́жно моли́ безконе́чнаго живота́ преста́вльшагося ны́не раба́ Твоего́ сподобити: Ты бо христиа́н Еди́на еси́ изве́стнейшая Помо́щница.

Го́споди, поми́луй (12 раз). И молитву сию:

Помяни́, Го́споди Бо́же наш, в ве́ре и наде́жди живота́ ве́чнаго преста́вльшагося раба́ Твоего́, бра́та нашего (имярек), и я́ко Благ и Человеколю́бец, отпуща́яй грехи́, и потребля́яй непра́вды, осла́би, оста́ви и прости́ вся во́льная его согреше́ния и нево́льная, изба́ви его ве́чныя му́ки и огня́ гее́нскаго, и да́руй ему прича́стие и наслажде́ние ве́чных Твои́х благи́х, угото́ванных лю́бящым Тя: а́ще бо и согреши́, но не отступи́ от Тебе́, и несумне́нно во Отца́ и Сы́на и Свята́го Ду́ха, Бо́га Тя в Тро́ице сла́вимаго, ве́рова, и Еди́ницу в Тро́ице и Тро́ицу во Еди́нстве, правосла́вно да́же до после́дняго своего́ издыха́ния испове́да.

Те́мже ми́лостив тому́ бу́ди, и ве́ру, я́же в Тя, вме́сто дел вмени́, и со святы́ми Твои́ми я́ко Щедр упоко́й: несть бо челове́ка, и́же поживе́т и не согреши́т. Но Ты Еди́н еси́ кроме́ вся́каго греха́, и пра́вда Твоя́, пра́вда во ве́ки, и Ты еси́ Еди́н Бог ми́лостей и щедро́т и человеколю́бия, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

(Также эту молитву читают после каждой Славы при последующем чтении Псалтири).


Покайтесь, ибо Господь грядет судить

Избранное Переписка Календарь Устав Аудио
Имя Божие Ответы Богослужения Школа Видео
Библиотека Проповеди Тайна ап.Иоанна Поэзия Фото
Публицистика Дискуссии Библия История Фотокниги
Апостасия Свидетельства Иконы Стихи о.Олега Вопросы
Жития святых Книга отзывов Исповедь Архив Карта сайта
Молитвы Слово батюшки Новомученики Пожертвования Контакты

Богослужения мирянским чином

Заупокойное богослужение

Канон молебный на исход души

Молебное пение на исход души совершается в минуты разлучения души с телом. Этот канон написан от лица умирающего, но может быть прочитан кем-то из близких. Его не обязательно читать рядом с умирающим, если человек умирает в больнице, канон можно читать дома. Если христианин испускает дух во время чтения канонов, то их дочитывают с заупокойным припевом: «Покой, Господи, душу усопшаго раба Твоего (усопшия рабы Твоея) (имярек) (поклон), и елико в житии сем яко человек согреши, Ты же, яко Человеколюбец Бог, прости его (ю) и помилуй (поклон), вечныя муки избави (поклон), Небесному Царствию причастника (причастницу) учини (поклон), и душам нашим полезная сотвори (поклон).»

Порой предсмертная болезнь длится долго, принося тяжелые страдания и самому больному, и его родным. В таких ситуациях может быть прочитан другой канон — «Чин, бываемый на разлучение души от тела, внегда человек долго страждет». Он содержит прошения о скорой и мирной кончине страждущего.

Молитвами Святых Отец наших, Господи Иисусе Христе Боже наш, помилуй нас.
Аминь.

Святый Боже, Святый Крепкий, Святый Безсмертный, помилуй нас. (Трижды)

Слава Отцу и Сыну и Святому Духу, и ныне и присно и во веки веков.
Аминь.

Пресвятая Троице, помилуй нас. Господи, очисти грехи наша. Владыко, прости беззакония наша. Святый, посети, исцели немощи наша Имени Твоего ради.

Господи, помилуй. Господи, помилуй. Господи, помилуй.

Слава Отцу и Сыну и Святому Духу, и ныне и присно и во веки веков.
Аминь.

Отче наш! Иже еси на Небесех. Да святится Имя Твое. Да приидет Царствие Твое. Да будет воля Твоя, яко на Небеси и на земли. Хлеб наш насущный даждь нам днесь. И остави нам долги наша, якоже и мы оставляем должником нашим. И не введи нас во искушение. Но избави нас от лукаваго.
Аминь.

Господи, помилуй. (12 раз)

Слава Отцу и Сыну и Святому Духу, и ныне и присно и во веки веков.
Аминь.

Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.

Псалом 50:
Помилуй мя, Боже, по велицей милости Твоей, и по множеству щедрот Твоих очисти беззаконие мое.
Наипаче омый мя от беззакония моего, и от греха моего очисти мя.
Яко беззаконие мое аз знаю и грех мой предо мною есть выну.
Тебе Единому согреших, и лукавое пред Тобою сотворих, яко да оправдишися во словесех Твоих и победиши, внегда судити Ти.
Се бо, в беззакониих зачат есмь, и во гресех роди мя мати моя.
Се бо, истину возлюбил еси, безвестная и тайная премудрости Твоея явил ми еси.
Окропиши мя иссопом, и очищуся, омыеши мя, и паче снега убелюся.
Слуху моему даси радость и веселие, возрадуются кости смиренныя.
Отврати лице Твое от грех моих, и вся беззакония моя очисти.
Сердце чисто созижди во мне, Боже, и дух прав обнови во утробе моей.
Не отвержи мене от лица Твоего, и Духа Твоего Святаго не отыми от мене.
Воздаждь ми радость спасения Твоего, и Духом Владычним утверди мя.
Научу беззаконныя путем Твоим, и нечестивии к Тебе обратятся.
Избави мя от кровей, Боже, Боже спасения моего, возрадуется язык мой правде Твоей.
Господи, устне мои отверзеши, и уста моя возвестят хвалу Твою.
Яко аще бы восхотел еси жертвы, дал бых убо, всесожжения не благоволиши.
Жертва Богу дух сокрушен, сердце сокрушенно и смиренно Бог не уничижит.
Ублажи, Господи, благоволением Твоим Сиона, и да созиждутся стены Иерусалимския.
Тогда благоволиши жертву правды, возношение и всесожегаемая, тогда возложат на олтарь Твой тельцы.

Песнь 1-я.

Ирмос: Яко по суху пешешествовав Израиль, по бездне стопами, гонителя фараона видя потопляема, Богу победную песнь поим, вопияше.

Припев: Пресвятая Богородице, спаси нас.

Каплям подобно дождевным, злии и малии дние мои, летним обхождением оскудевающе, помалу исчезают уже. Владычице, спаси мя.

Припев: Пресвятая Богородице, спаси нас.

Твоим благоутробием и многими щедротами Твоими, Владычице, преклоняема естественно, в час сей ужасный предстани ми, Помощнице Непоборимая.

Припев: Пресвятая Богородице, спаси нас.

Содержит ныне душу мою страх велик, трепет неисповедим и болезнен есть, внегда изыти ей от телесе, Пречистая, юже утеши.

Слава Отцу и Сыну и Святому Духу.

Грешным и смиренным известное прибежище, о мне извести Твою милость, Чистая, и бесовския избави руки, якоже бо пси мнози обступиша мя.

И ныне и присно и во веки веков.

Се время помощи, се время Твоего заступления, се, Владычице, время, о немже день и нощь припадах тепле и моляхся Тебе.

Песнь 3-я

Ирмос: Несть свят, якоже Ты, Господи Боже мой, вознесый рог верных Твоих, Блаже, и утвердивый нас на камени исповедания Твоего.

Припев: Пресвятая Богородице, спаси нас.

Издалеча сего дне, Владычице, провидя, и того яко пришедша помышляяй присно, слезами теплыми моляхся не забыти мене.

Припев: Пресвятая Богородице, спаси нас.

Обыдоша мя мысленнии рыкающе скимны, и ищут восхитити и растерзати мя горце, ихже зубы, Чистая, и челюсти сокруши и спаси мя.

Припев: Пресвятая Богородице, спаси нас.

Угасшу убо отнюд органу словесному, и связавшуся языку, и затворившуся гласу, в сокрушении сердца молю Тя, Спасительнице моя, спаси мя.

Слава Отцу и Сыну и Святому Духу.

Приклони ухо Твое ко мне, Христа Бога моего Мати, от высоты многия славы Твоея, Благая, и услыши стенание конечное, и руку ми подаждь.

И ныне и присно и во веки веков.

Не отврати от мене многия щедроты Твоя, не затвори утробу Твою человеколюбную, Чистая; но предстани ми ныне, и в час судный помяни мя.

Песнь 4-я

Ирмос: Христос моя сила, Бог и Господь, честная Церковь боголепно поет, взывающи, от смысла чиста о Господе празднующи.

Припев: Пресвятая Богородице, спаси нас.

Умовение согрешением, ток слезный ныне положи, Благая, сердца моего сокрушение приемлющи: о Тебе утверждающу упование, Благая, егда како страшнаго мя избавиши огненнаго мучения, яко Сама благодати еси источник, Богородительнице.

Припев: Пресвятая Богородице, спаси нас.

Непостыдное и непогрешительное всем, иже в нуждах, прибежище, Владычице Пренепорочная, Ты ми буди Заступница в час испытания.

Припев: Пресвятая Богородице, спаси нас.

Простерши пречистеи Твои и всечестнеи руце, яко священнии голубине криле, под кровом и сению тех покрый мя, Владычице.

Слава Отцу и Сыну и Святому Духу.

Воздушнаго князя насильника, мучителя, страшных путей стоятеля и напраснаго сих словоиспытателя, сподоби мя прейти невозбранно отходяща от земли.

И ныне и присно и во веки веков.

Се мя, Владычице, страх усрете, егоже и бояхся: се подвиг велик объят мя, в немже буди ми Помощница, Надежде спасения моего.

Песнь 5-я

Ирмос: Божиим светом Твоим, Блаже, утренюющих Ти души любовию озари, молюся, Тя ведети, Слове Божий, Истиннаго Бога, от мрака греховнаго взывающа.

Припев: Пресвятая Богородице, спаси нас.

Не забуди мя, Благая, ниже отврати от мене, Твоего отрока, лице Твое, но услыши мя, яко скорблю, и вонми души моей, и сию избави.

Припев: Пресвятая Богородице, спаси нас.

Иже по плоти сродницы мои, и иже по духу братие, и друзи, и обычнии знаемии, плачите, воздохните, сетуйте, се бо от вас ныне разлучаюся.

Припев: Пресвятая Богородице, спаси нас.

Ныне избавляяй никако и помогаяй воистинну никтоже; Ты помози ми, Владычице, да не яко человек безпомощен, в руках враг моих затворен буду.

Слава Отцу и Сыну и Святому Духу.

Вшедше, святии мои Ангели, предстаните судищу Христову, колене свои мысленнии преклоньше, плачевне возопийте Ему: помилуй, Творче всех, дело рук Твоих, Блаже, и не отрини его.

И ныне и присно и во веки веков.

Поклоньшеся Владычице и Пречистей Матери Бога моего помолитеся, яко да преклонит колена с вами, и преклонит Его на милость: Мати бо сущи и Питательница услышана будет.

Песнь 6-я

Ирмос: Житейское море, воздвизаемое зря напастей бурею, к тихому пристанищу Твоему притек, вопию Ти: возведи от тли живот мой, Многомилостиве.

Припев: Пресвятая Богородице, спаси нас.

Устне мои молчат, и язык не глаголет, но сердце вещает: огнь бо сокрушения сие снедая внутрь возгарается, и гласы неизглаголанными Тебе, Дево, призывает.

Припев: Пресвятая Богородице, спаси нас.

Призри на мя свыше, Мати Божия, и милостивно вонми ныне на мое посещение снити, яко да видев Тя, от телесе изыду радуяся.

Припев: Пресвятая Богородице, спаси нас.

Растерзаеми соузы, раздираеми закони естественнаго сгущения, и составления всего телеснаго, нужду нестерпимую и тесноту сотворяют ми.

Слава Отцу и Сыну и Святому Духу.

Святых Ангел священным и честным рукам преложи мя, Владычице, яко да тех крилы покрывся, не вижу безчестнаго и смраднаго и мрачнаго бесов образа.

И ныне и присно и во веки веков.

Чертоже Божий Всечестне, небесному разумному чертогу сподоби мя, мою угасшую и несияющую свещу вжегши, святым елеем милости Твоея.

Кондак, глас 6
Душе моя, душе моя, востани, что спиши, конец приближается, и нужда ти молвити: воспряни убо, да пощадит тя Христос Бог, Иже везде сый, и вся исполняяй.

Икос:
Христово врачевство видя отверсто, и от сего Адаму источающе здравие, пострадав уязвися диавол, яко беды приемля рыдаше, и своим другом возопи: что сотворю Сыну Мариину? Убивает мя Вифлеемлянин, Иже везде сый и вся исполняяй.

Песнь 7-я

Ирмос: Росодательну убо пещь содела Ангел, преподобным отроком, халдеи же опаляющее веление Божие, мучителя увеща вопити: благословен еси, Боже отец наших.

Припев: Пресвятая Богородице, спаси нас.

Нощь смертная мя постиже неготова, мрачна же и безлунна, препущающи неприготовлена к долгому оному пути страшному: да спутешествует ми Твоя милость, Владычице.

Припев: Пресвятая Богородице, спаси нас.

Се вси дние мои исчезоша воистинну в суете, якоже пишется, и лета моя со тщанием, сети же смертныя воистинну и горькия предвариша мою душу, яже мя обдержат.

Припев: Пресвятая Богородице, спаси нас.

Множество грехов моих да не возможет победити Твоего многаго благоутробия, Владычице; но да обыдет мя Твоя милость и вся да покрыет беззакония моя.

Слава Отцу и Сыну и Святому Духу.

Отводящии мя отсюду находят, содержаще мя всюду: душа же моя отлагает и страшится, многа исполнена мятежа, юже утеши, Чистая, явлением Твоим.

И ныне и присно и во веки веков.

Спечалующаго ниединаго в скорби моей, ниже утешающаго обретох, Владычице, ибо друзи мои и знаемии вкупе оставиша мя ныне; но, Надежде моя, никакоже да не оставиши мя.

Песнь 8-я

Ирмос: Из пламене преподобным росу источил еси, и праведнаго жертву водою попалил еси, вся бо твориши, Христе, токмо еже хотети. Тя превозносим во вся веки.

Припев: Пресвятая Богородице, спаси нас.

Яко Бога Человеколюбца Мати Человеколюбивая, тихим и милостивым вонми оком, егда от тела душа моя отлучается, да Тя во вся веки славлю, Святая Богородице.

Припев: Пресвятая Богородице, спаси нас.

Убегнути ми варвар безплотных полки и воздушныя бездны возникнути, и к Небеси взыти мя сподоби, да Тя во веки славлю, Святая Богородице.

Припев: Пресвятая Богородице, спаси нас.

Рождшая Господа Вседержителя, горьких мытарств начальника миродержца отжени далече от мене, внегда скончатися хощу, да Тя во веки славлю, Святая Богородице.

Слава Отцу и Сыну и Святому Духу.

Великой последней гласящей трубе, в страшное и грозное воскрешение суда, воскресающим всем, помяни мя тогда, Святая Богородице.

И ныне и присно и во веки веков.

Высокая Владыки Христа палато, Твою благодать свыше пославши, предвари мя ныне в день озлобления, да Тя славлю во веки вся, Святая Богородице.

Песнь 9-я

Ирмос: Бога человеком невозможно видети, на Негоже не смеют чини ангельстии взирати. Тобою же, Всечистая, явися человеком Слово Воплощенно. Егоже величающе, с небесными вои Тя ублажаем.

Припев: Пресвятая Богородице, спаси нас.

О, како узрю Невидимаго; како ужасное оно претерплю видение? Како дерзну отверсти очи? Како моего Владыку смею видети, Егоже не престаях от юности огорчевая присно?

Припев: Пресвятая Богородице, спаси нас.

Святая Отроковице, Богородительнице, на мое смирение милосердно призри, умиленное мое и последнее моление сие приимши, и мучащаго вечнующаго огня потщися избавити мя.

Припев: Пресвятая Богородице, спаси нас.

Храмы святыя осквернившая, скверный и телесный храм оставивши, Тебе, Божий Всечестный Храме, молит, Отроковице Дево Мати, душа моя тьмы кромешния убежати и лютаго геенскаго жжения.

Слава Отцу и Сыну и Святому Духу.

Зря конец близу жития моего, и помышляя безместных мыслей, деяний же, Всечистая, душу мою делательницу, люте уязвляюся стрелами совести, но преклоньшися милостивно, буди ми Предстательница.

И ныне и присно и во веки веков.

Сын дастся нам за милость, Сын Божий, и Ангельский Царь, Превечный от чистых кровей Твоих Человек прошед. Егоже умилостиви, Отроковице, страстней моей душе, исторгаемей люте от окаяннаго моего телесе.

Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Слава Отцу и Сыну и Святому Духу. И ныне и присно и во веки веков. Господи помилуй, Господи помилуй, Господи помилуй.

Господи Иисусе Христе Сыне Божий, Сыне Божий, молитв ради Пречистыя Твоея Матере, святаго Апостола любви Иоанна Богослова и прочих святых и всехвальных Апостол, преподобных и богоносных отец наших и всех святых помилуй нас.
Аминь.

Скрыть перевод

Скачать в формате Microsoft Word

Как помочь душе человека перед смертью тела

Церковь, имевшая попечение о каждом православном с момента его рождения, не может оставить его и в этот последний страшный час. Церковные правила обязывают священников делать все возможное для того, чтобы умирающий не остался без предсмертного напутствия Святыми Дарами. Единственное требование — он должен находиться в сознании, чтобы принести Господу последнее покаяние. «Приходит игумен, — читаем в старинном Требнике, — к мирскому же отец его духовный, и вопрошает, аще есть кое слово, или дело забвения ради, или студа, или кая злоба к коему брату неисповедана, или непрощена есть, вся должен есть изыскивати и вопрошати по единому умирающаго».

Предсмертное Причащение может совершаться в любое время и без соблюдения условий, необходимых для здоровых (пост, молитвы и т. д.), по чину Причащения больных. Причащение может соединяться с Елеосвящением, или Соборованием. После Причастия священник читает у постели умирающего (при явных признаках приближающейся смерти) так называемую отходную молитву: Канон молебный ко Господу Богу нашему Иисусу Христу и Пречистей Богородице, Матери Господней при разлучении души от тела всякаго правовернаго.

В случае отсутствия священника, родственники смогут сами прочитать Канон молебный ко Господу и Пречистей Богородице. Опустив начальный возглас священника: Благословен Бог, мирянин начинает чтение со слов: Молитвами святых отец наших… Чтение следует начинать при первых же признаках надвигающейся кончины. При чтении Канона возжигаются свеча и лампадка перед домашней иконой.

Этот канон читается «от лица человека с душею разлучающагося и не могущаго глаголати» и имеется в православных молитвословах.

Для умирающих младенцев (детей до семи лет) из-за отсутствия грехов, перечисляемых в каноне, которые несвойственны им по малолетству, канон не читается.

Кроме канона при разлучении души от тела еще существует «Чин, бываемый на разлучение души от тела, когда человек долго страждет». Этот чин читается над человеком, который испытывает тяжкие предсмертные мучения и никак не может умереть (как правило, читается священником).

После смерти тела человека над ним немедленно читается Последование по исходе души от тела.

* * *

Аудио:

Приходит игумен, к мирскому же отец его духовный, и вопрошает, аще есть кое слово, или дело забвения ради, или студа, или кая злоба к коему брату неисповедана, или непрощена есть, вся должен есть изыскивати и вопрошати по единому умирающаго.

Перевод: К умирающему приходит игумен, к мирянину его духовный отец, и спрашивает, не имеет ли он озлобления против кого-либо из братьев или какого слова или дела, по забвению или стыду неисповеданным и непрощенным. Всё это духовник должен, в отдельности перечисляя, спросить у умирающего.

Посем начинает иерей: Благослове́н Бог наш, всегда́, ны́не и при́сно, и во ве́ки веко́в. (Аще ли мирский: Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.)

После этого начинает священник: Благословен Бог наш, ныне и всегда, и во веки веков. Аминь. (Если мирянин: По молитвам святых отцов наших, Господи Иисусе Христе, Боже наш, помилуй нас. Аминь.)

Святы́й Бо́же, Святы́й Кре́пкий, Святы́й Безсме́ртный, поми́луй нас. (Tрижды)

Святой Боже, Святой Крепкий, Святой Бессмертный, помилуй нас.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Слава Отцу, и Сыну, и Святому Духу, и ныне, и всегда, и во веки веков. Аминь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Святейшая Троица, помилуй нас; Господь, очисти грехи наши; Владыка, прости беззакония наши; Святый, прииди и уврачуй бессилие наше — для Твоей славы.

Го́споди, поми́луй. (Трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Отче наш, Сущий на небесах! Да святится имя Твоё; да придёт Царство Твоё; да будет воля Твоя и на земле, как на небе; хлеб наш насущный дай нам сегодня; и прости нам долги наши, как и мы прощаем должникам нашим; и не введи нас во искушение, но избавь нас от лукавого.

Го́споди, поми́луй (12 раз).

Прииди́те, поклони́мся Царе́ви на́шему Бо́гу. (Поклон)

Придите, поклонимся Царю нашему, Богу.

Прииди́те, поклони́мся и припаде́м Христу́, Царе́ви на́шему Бо́гу. (Поклон)

Придите, поклонимся и припадем ко Христу, Царю, нашему Богу.

Прииди́те, поклони́мся и припаде́м Самому́ Христу́, Царе́ви и Бо́гу на́шему. (Поклон)

Придите, поклонимся и припадем к Самому Христу, Царю и Богу нашему.

Псалом 50

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; яко беззако́ние мое́ аз зна́ю, и грех мой пре́до мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твое́го и Ду́хом влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

Помилуй меня, Боже, по великой милости Твоей и по множеству щедрот Твоих изгладь беззаконие моё; совершенно омой меня от беззакония моего, и от греха моего очисти меня. Ибо беззаконие моё я знаю, и грех мой всегда предо мною. Тебе, Единому, я согрешил и злое пред Тобою сотворил, — да будешь оправдан в словах Твоих и победишь, если вступят с Тобою в суд. Ибо вот, я в беззакониях зача́т, и во грехах родила́ меня мать моя. Ибо вот, Ты истину возлюбил, сокрытое и тайное премудрости Твоей мне открыл. Ты окропи́шь меня иссо́пом — и буду очищен; омоешь меня — и сделаюсь белее снега, дашь мне услышать радость и веселие — возрадуются кости ослабевшие. Отврати лицо Твоё от грехов моих и все беззакония мои изгладь. Сердце чистое сотвори во мне, Боже, и Дух Правый обнови внутри меня. Не отринь меня от лица́ Твоего и Духа Твоего Святого не отними от меня. Возврати мне радость спасения Твоего и Духом Владычественным утверди меня. Научу беззаконных путям Твоим, и нечестивые к Тебе обратятся. Избавь меня от крове́й, Боже, Боже спасения моего, возрадуется язык мой правде Твоей. Господи, Ты откроешь уста мои, и уста мои возвестят хвалу Твою. Ибо если бы жертвы Ты восхотел, я дал бы её, — к всесожжениям не будешь благоволи́ть. Жертва Богу — дух сокрушённый, се́рдца сокрушённого и смиренного Бог не пре́зрит. Облагодете́льствуй, Господи, во благоволе́нии Твоём Сион, и да будут воздвигнуты стены Иерусалима, — тогда примешь благосклонно жертву правды, возношение и всесожжения, тогда возло́жат на алтарь Твой тельцов.

Канон молебный Господу нашему Иисусу Христу и Его Пречистой Матери, при разлучении души с телом1

Глас 6-й

Ирмо́с: Я́ко по су́ху пешеше́ствовав Изра́иль, по бе́здне стопа́ми, гони́теля фарао́на ви́дя потопля́ема, Бо́гу побе́дную пе́снь пои́м, вопия́ше.

Перевод:2 Израиль, прошедши пешком по бездне морской, как по суше, и видя преследователя Фараона утопавшим, восклицал: воспоем Богу победную песнь.

Припев: Пресвята́я Богоро́дице, спаси́ нас.

Ка́плям подо́бно дожде́вным, зли́и и ма́лии дни́е мои́, ле́тним обхожде́нием оскудева́юще, пома́лу исчеза́ют уже́. Влады́чице, спаси́ мя.

Мои скорбные и короткие дни, быстро истекая, подобно каплям дождевым, своим течением уже к концу приходят. Владычица, спаси меня.

Пресвята́я Богоро́дице, спаси́ нас.

Твои́м благоутро́бием и мно́гими щедро́тами Твои́ми, Влады́чице, преклоня́ема есте́ственно, в час сей ужа́сный предста́ни ми, Помощни́це Непобо́римая.

О, Владычица! Ты, по свойственной Тебе любви и безграничным Твоим щедротам склоняющаяся к мольбам, явись и для меня в этот ужасный час Непобедимой Помощницей.

Пресвята́я Богоро́дице, спаси́ нас.

Содержи́т ны́не ду́шу мою́ страх вели́к, тре́пет неисповеди́м и боле́знен есть, внегда́ изы́ти ей от телесе́, Пречи́стая, ю́же уте́ши.

Великий страх, невыразимый и мучительный трепет охватил мою душу ныне, при выходе её из тела. Утешь же её, Пречистая.

Сла́ва Отцу́ и Сы́ну и Свято́му Ду́ху.

Гре́шным и смире́нным изве́стное прибе́жище, о мне извести́ Твою́ ми́лость, Чи́стая, и бесо́вския изба́ви руки́, я́коже бо пси мно́зи обступи́ша мя.

Верное прибежище для грешных и смиренных, Чистая Дева, яви на мне Твою милость и спаси от руки бесов, потому что, как стая псов, они окружили меня.

И ны́не и при́сно и во ве́ки веко́в. Ами́нь.

Се вре́мя по́мощи, cе вре́мя Твоего́ заступлéния, се, Влады́чице, вре́мя, о нéмже день и нощь припа́дах те́пле и моля́хся Тебе́.

Вот, Владычица, время помощи, вот время Твоей защиты, вот тот час, о котором день и ночь я горячо молился, припадая к Тебе.

Ирмо́с: Несть свят, я́коже Ты, Го́споди Бо́же мой, вознесы́й рог ве́рных Твои́х, Бла́же, и утверди́вый нас на ка́мени испове́дания Твоего́.

Ирмос: Нет столь Святого, как Ты, Господи Боже мой, возвысивший достоинство верующих в Тебя, Милосердный, и утвердивший нас на камне исповедания Твоего.

Пресвята́я Богоро́дице, спаси́ нас.

Издале́ча сего́ дне, Влады́чице, прови́дя, и того́ я́ко прише́дша помышля́яй при́сно, слеза́ми те́плыми моля́хся не забы́ти мене́.

Давно предвидя этот день и непрестанно думая о нем, как о наступившем, я с горячими слезами Тебе, Владычица, молился, чтобы не забыла Ты меня.

Пресвята́я Богоро́дице, спаси́ нас.

Обыдо́ша мя мы́сленнии рыка́юще ски́мны, и и́щут восхи́тити и растерза́ти мя го́рце, и́хже зу́бы, Чи́стая, и че́люсти сокруши́ и спаси́ мя.

Окружили меня рыкающие духовные львы и ищут похитить и безжалостно растерзать меня. Но Ты, Чистая Дева, сокруши их зубы и челюсти и спаси меня.

Пресвята́я Богоро́дице, спаси́ нас.

Уга́сшу у́бо отню́д орга́ну слове́сному, и связа́вшуся язы́ку, и затвори́вшуся гла́су, в сокруше́нии се́рдца молю́ Тя, Спаси́тельнице моя́, спаси́ мя.

Итак, уже совершенно омертвевшими устами, связанным языком, беззвучным голосом я в сердечном сокрушении молю Тебя: спаси меня, моя Спасительница.

Сла́ва Отцу́ и Сы́ну и Свято́му Ду́ху.

Приклони́ у́хо Твое́ ко мне, Христа́ Бо́га моего́ Ма́ти, от высоты́ мно́гия сла́вы Твоея́, Блага́я, и услы́ши стена́ние коне́чное и ру́ку ми пода́ждь.

О Милосердная Мать Христа Бога моего! Склони ко мне с высоты Твоей величественной славы Твое ухо и, услышав мое последнее стенание, подай мне руку помощи.

И ны́не и при́сно и во ве́ки веко́в. Ами́нь.

Не отврати́ от мене́ мно́гия щедро́ты Твоя́, не затвори́ утро́бу Твою́ человеколю́бную, Чи́стая; но предста́ни ми ны́не и в час су́дный помяни́ мя.

Не лиши меня Твоих обильных милостей, Чистая Дева, и не затвори Свое человеколюбивое сердце, но поспеши ныне ко мне и в час суда вспомни меня.

Ирмо́с: Христо́с моя́ си́ла, Бог и Госпо́дь, честна́я Це́рковь боголе́пно пое́т, взыва́ющи, от смы́сла чи́ста о Го́споде пра́зднующи.

Христос — сила моя, Бог и Господь мой», — с благоговением громогласно поёт Святая Церковь, от чистого сердца торжествуя о Господе.

Пресвята́я Богоро́дице, спаси́ нас.

Умове́ние согреше́нием, ток сле́зный ны́не положи́, Блага́я, се́рдца моего́ сокруше́ние прие́млющи: о Тебе́ утвержда́ющу упова́ние, Блага́я, егда́ ка́ко стра́шнаго мя изба́виши о́гненнаго муче́ния, я́ко Сама́ благода́ти еси́ исто́чник, Богороди́тельнице.

Прими, Милосердная Богородительница, мое сердечное сокрушение и даруй мне поток слез, смывающий грехи, ибо я твердо надеюсь на Тебя, Милостивая, что Ты избавишь меня от страшного огненного мучения, потому что Ты Сама являешься источником благодати.

Пресвята́я Богоро́дице, спаси́ нас.

Непосты́дное и Непогреши́тельное всем, и́же в ну́ждах, прибе́жище, Влады́чице Пренепоро́чная, Ты ми бу́ди Засту́пница в час испыта́ния.

Верное и священное прибежище всех нуждающихся Ты, Пренепорочная Владычица, будь и моей Заступницей в час испытания.

Пресвята́я Богоро́дице, спаси́ нас.

Просте́рши Пречи́стеи Твои́ и Всечестне́и ру́це, я́ко свяще́ннии голуби́не криле́, под кро́вом и се́нию тех покры́й мя, Влады́чице.

Простри, Владычица, Свои пречистые и пресвятые руки, как священные крылья голубки, и укрой меня под их кровом и сенью.

Сла́ва Отцу́ и Сы́ну и Свято́му Ду́ху.

Возду́шнаго кня́зя наси́льника, мучи́теля, стра́шных путе́й стоя́теля и напра́снаго сих словоиспыта́теля, сподо́би мя прейти́ невозбра́нно отходя́ща от земли́.

Удостой меня, уходящего с земли, пройти беспрепятственно царство воздушного князя — властителя, мучителя, стража ужасных путей и на этих путях внезапного обличителя.

И ны́не и при́сно и во ве́ки веко́в. Ами́нь.

Се мя, Влады́чице, страх усре́те, его́же и боя́хся; се по́двиг вели́к объя́т мя, в не́мже бу́ди ми Помо́щница, Наде́жде спасе́ния моего́.

Вот, Владычица, охватил меня тот страх, ожидая которого я томился, вот настал для меня тяжкий подвиг, в котором и будь моей Помощницей, ибо Ты Надежда в моем спасении.

Ирмо́с: Бо́жиим све́том Твои́м, Бла́же, у́тренюющих Ти ду́ши любо́вию озари́, молю́ся, Тя ве́дети, Сло́ве Бо́жий, И́стиннаго Бо́га, от мра́ка грехо́внаго взыва́юща.

Ирмос: Божественным Своим светом, Милосердный, просвети души с ранней зари обращающихся к Тебе — усердно молюсь я, чтобы знать Тебя Божие Слово, Истинного Бога, от мрака грехов призывающего к Себе.

Пресвята́я Богоро́дице, спаси́ нас.

Не забу́ди мя, Блага́я, ниже́ отврати́ от мене́, Твоего́ о́трока, лице́ Твое́, но услы́ши мя, я́ко скорблю́, и вонми́ души́ мое́й, и сию́ изба́ви.

Не забудь меня, Милосердная Владычица, и не отклони Твоего лица от меня, раба Твоего, но услышь меня, ибо я скорблю, внемли душе моей и избавь ее.

Пресвята́я Богоро́дице, спаси́ нас.

И́же по пло́ти, сро́дницы мои́, и и́же по ду́ху бра́тие, и дру́зи, и обы́чнии зна́емии, пла́чите, воздохни́те, се́туйте, се бо от вас ны́не разлуча́юся.

Плачьте, вздыхайте, скорбите, все мои родные по плоти и братья по духу, друзья и все знакомые, ибо вот теперь я разлучаюсь с вами.

Пресвята́я Богоро́дице, спаси́ нас.

Ны́не избавля́яй ника́ко и помога́яй вои́стинну никто́же. Ты помози́ ми, Влады́чице, да не я́ко челове́к безпо́мощен, в рука́х враг мои́х затворе́н бу́ду.

Воистину нет теперь никого избавляющего меня, нет никого помогающего мне, поэтому Ты, Владычица, помоги мне, чтобы я, как беспомощный человек, не остался в руках моих врагов.

Сла́ва Отцу́ и Сы́ну и Свято́му Ду́ху.

Вше́дше, святи́и мои́ А́нгели, предста́ните суди́щу Христо́ву, коле́не свои́ мы́сленнеи прекло́ньше, плаче́вне возопи́йте Ему́: поми́луй, Тво́рче всех, де́ло рук твои́х, Бла́же, и не отри́ни его́.

Святые ангелы мои, войдите и предстаньте пред судом Христовым и, преклонивши свои духовные колена, с плачем воззовите ко Христу: Милосердный Творец всего, помилуй и не отвергни создание Своих рук.

И ны́не и при́сно и во ве́ки веко́в. Ами́нь.

Покло́ньшеся Влады́чице и Пречи́стей Ма́тери Бо́га моего́ помоли́теся, я́ко да прекло́нит коле́на с ва́ми, и прекло́нит Его на ми́лость: Ма́ти бо су́щи и пита́тельница услы́шана бу́дет.

Поклонившись Владычице — Пречистой Матери Бога моего, помолитесь, святые ангелы, чтобы вместе с вами Она преклонила Свои колена склонила Господа на милость ко мне, ибо как Его Мать и Питательница, Она будет услышана.

Ирмо́с: Жите́йское мо́ре, воздвиза́емое зря напа́стей бу́рею, к ти́хому приста́нищу Твоему́ прите́к, вопию́ Ти: возведи́ от тли́ живо́т мой, Многоми́лостиве.

Ирмос: Смотря на житейское море, волнуемое бурею искушений, и, укрывшись в Твою тихую пристань, я взываю к Тебе: спаси от погибели жизнь мою, Многомилостивый.

Пресвята́я Богоро́дице, спаси́ нас.

Устне́ мои́ молча́т, и язы́к не глаго́лет, но се́рдце веща́ет: огнь бо сокруше́ния сие́ снеда́я внутрь возгара́ется, и гла́сы неизглаго́ланными Тебе́, Де́во, призыва́ет.

Уста мои молчат, язык не говорит и одно только сердце, пожираемое внутри возгоревшимся огнем страдания, говорит невыразимыми голосами, призывая Тебя, Дева.

Пресвята́я Богоро́дице, спаси́ нас.

При́зри на мя свы́ше, Ма́ти Бо́жия, и ми́лостивно вонми́ ны́не на мое́ посеще́ние сни́ти, я́ко да ви́дев Тя, от телесе́ изы́ду ра́дуяся.

Матерь Божия, воззри с небес с любовью на меня и, милостиво ныне вняв мне, сойди посетить меня, чтобы, увидевши Тебя, я с радостью вышел из тела.

Пресвята́я Богоро́дице, спаси́ нас.

Растерза́еми соу́зы, раздира́еми зако́ни есте́ственнаго сгуще́ния, и составле́ния всего́ теле́снаго, ну́жду нестерпи́мую и тесноту́ сотворя́ют ми.

Вот расторгается связь души с телом, вот разрушаются законы природного соединения и состава всего тела, причиняя мне невыносимые страдания и скорбь.

Сла́ва Отцу́ и Сы́ну и Свято́му Ду́ху.

Святы́х А́нгел свяще́нным и честны́м рука́м преложи́ мя, Влады́чице, я́ко да тех кри́лы покры́вся, не ви́жу безче́стнаго и смра́днаго и мра́чнаго бесо́в о́браза.

Вручи меня, Владычица, в священные чистые руки святых ангелов, чтобы, укрывшись под их крыльями, я не увидел бесчестных, ужасных, мрачных образов бесов.

И ны́не и при́сно и во ве́ки веко́в. Ами́нь.

Черто́же Бо́жий всече́стне, небе́сному разу́мному черто́гу сподо́би мя, мою́ уга́сшую и несия́ющую свещу́ вже́гши, святы́м еле́ем ми́лости Твоея́.

Святейшая Дева, Чертог Божий! Удостой меня небесного духовного Чертога, зажегши святым елеем Своей милости мою несияющую угасшую свечу.

Кондак, глас 6-й:

Душе́ моя́, душе́ моя́, воста́ни, что спи́ши, коне́ц приближа́ется, и ну́жда ти мо́лвити: воспряни́ у́бо, да пощади́т тя Христо́с Бог, И́же везде́ сый, и вся исполня́яй.

Душа моя, душа моя, восстань! Что ты спишь? Конец приближается и от страха ты смутишься; встань же, чтобы пощадил тебя Христос Бог, Вездесущий и все Наполняющий.

Христо́во врачевство́ ви́дя отве́рсто, и от сего́ Ада́му источа́юще здра́вие, пострада́в уязви́ся диа́вол, я́ко беды́ прие́мля рыда́ше, и свои́м друго́м возопи́: что сотворю́ Сы́ну Мари́ину? Убива́ет мя Вифлее́млянин, И́же везде́ сый и вся исполня́яй.

Видя открытым Христово врачевство и источающееся из него исцеление Адаму, страдает пораженный диавол; рыдает он, весь израненный, и взывает к своим друзьям: что я сделаю Сыну Марии? Убивает меня Этот Вифлеемлянин, Вездесущий и все Наполняющий.

Ирмо́с: Росода́тельну у́бо пещь соде́ла А́нгел, преподо́бным отроко́м, халде́и же опаля́ющее веле́ние Бо́жие, мучи́теля увеща́ вопи́ти: благослове́н еси́, Бо́же оте́ц на́ших.

Ирмос: Росоносною сделал ангел печь для благочестивых юношей, а воля Божия, попалившая халдеев, заставила властителя восклицать: Благословен Ты, Бог отцов наших.

Пресвята́я Богоро́дице, спаси́ нас.

Нощь сме́ртная мя пости́же негото́ва, мра́чна же и безлу́нна, препуща́ющи непригото́влена к до́лгому о́ному пути́ стра́шному; да спутеше́ствует ми Твоя́ ми́лость, Влады́чице.

Мрачная и безлунная ночь смерти застала меня неготовым и принуждает меня идти неприготовленным к этому длинному страшному пути; о, Владычица, да сопутствует мне Твоя милость.

Пресвята́я Богоро́дице, спаси́ нас.

Се вси дни́е мои́ исчезо́ша вои́стинну в суете́, я́коже пи́шется, и ле́та моя́ со тща́нием, се́ти же сме́ртныя вои́стинну и го́рькия предвари́ша мою́ ду́шу, я́же мя обдержа́т.

Вот воистину, как написано, все мои дни прошли в суете и лета мои в стенаниях, воистину горькие сети смерти опутали мою душу и владеют ею.

Пресвята́я Богоро́дице, спаси́ нас.

Мно́жество грехо́в мои́х да не возмо́жет победи́ти Твоего́ мно́гаго благоутро́бия, Влады́чице, но да обы́дет мя Твоя́ ми́лость и вся да покры́ет беззако́ния моя́.

Множество моих грехов да не сможет победить Твоего бесконечного милосердия, Владычица, но да окружит меня Твоя милость и да покроет все мои беззакония.

Сла́ва Отцу́ и Сы́ну и Свято́му Ду́ху.

Отводя́щии мя отсю́ду нахо́дят, содержа́ще мя всю́ду: душа́ же моя́ отлага́ет и страши́тся, мно́га испо́лнена мятежа́, ю́же уте́ши, Чи́стая, явле́нием Твои́м.

Всюду окружают и нападают на меня уводящие меня отсюда, душа же моя, наполненная великим смятением, отступает и ужасается, но Ты, Чистая Дева, утешь ее Своим посещением.

И ны́не и при́сно и во ве́ки веко́в. Ами́нь.

Спеча́лующаго ниеди́наго в ско́рби мое́й, ниже́ утеша́ющаго обрето́х, Влады́чице, и́бо дру́зи мои́ и зна́емии вку́пе оста́виша мя ны́не, но, Наде́жде моя́, ника́коже да не оста́виши мя.

Никто, Владычица, не сострадает мне в моей скорби и я не нахожу утешающего, ибо мои друзья и знакомые ныне оставили меня, но Ты, моя надежда, никогда не оставляй меня.

Ирмо́с: Из пла́мене преподо́бным ро́су источи́л еси́, и пра́веднаго же́ртву водо́ю попали́л еси́, вся бо твори́ши, Христе́, то́кмо е́же хоте́ти. Тя превозно́сим во вся ве́ки.

Ирмос: Из пламени источил Ты росу для благочестивых юношей и водою попалил жертву праведника, ибо Ты, Христе, все творишь одною Своею волею; превозносим Тебя во все веки.

Пресвята́я Богоро́дице, спаси́ нас.

Я́ко Бо́га Человеколю́бца Ма́ти Человеколюби́вая, ти́хим и ми́лостивым вонми́ о́ком, егда́ от те́ла душа́ моя́ отлуча́ется, да Тя во вся ве́ки сла́влю, Свята́я Богоро́дице.

Как Человеколюбивая Мать Человеколюбивого Бога, Пресвятая Богородица, склони на меня Свой кроткий и милостивый взор во время разлучения моей души с телом, чтобы я вечно прославлял Тебя

Пресвята́я Богоро́дице, спаси́ нас.

Убе́гнути ми ва́рвар безпло́тных полки́, и возду́шныя бе́здны возни́кнути, и к Небеси́ взы́ти мя сподо́би, да Тя во ве́ки сла́влю, Свята́я Богоро́дице.

Удостой меня, Пресвятая Богородица, избежать множества бесплотных разбойников, выйти из воздушной бездны и взойти на небо, чтобы я вечно прославлял Тебя.

Пресвята́я Богоро́дице, спаси́ нас.

Ро́ждшая Го́спода Вседержи́теля, го́рьких мыта́рств нача́льника мироде́ржца отжени́ дале́че от мене́, внегда́ сконча́тися хощу́, да Тя во ве́ки сла́влю, Свята́я Богоро́дице.

О, Пресвятая Богородица, родившая Господа Вседержителя! Ты во время моей кончины далеко отгони от меня миродержца — властителя тяжких мытарств, чтобы я вечно прославлял Тебя.

Сла́ва Отцу́ и Сы́ну и Свято́му Ду́ху.

Вели́кой после́дней глася́щей трубе́, в стра́шное и гро́зное воскреше́ние суда́, воскреса́ющым всем, помяни́ мя тогда́, Свята́я Богоро́дице.

Вспомни меня, Пресвятая Богородица, когда звук последней великой трубы Божией, воскресив, восставит всех для страшного и грозного суда.

И ны́не и при́сно и во ве́ки веко́в. Ами́нь.

Высо́кая Влады́ки Христа́ пала́то, Твою́ благода́ть свы́ше посла́вши, предвари́ мя ны́не в день озлобле́ния, да Тя сла́влю во ве́ки вся, Свята́я Богоро́дице.

Божественное жилище Владыки Христа, Ты, Пресвятая Богородица, ниспослав свыше Свою благодать, поспеши на помощь ко мне ныне, в день бедствия, чтобы я вечно прославлял Тебя.

Ирмо́с: Бо́га челове́ком невозмо́жно ви́дети, на Него́же не сме́ют чи́ни А́нгельстии взира́ти. Тобо́ю же, Всечи́стая, яви́ся челове́ком Сло́во Воплоще́нно. Его́же велича́юще, с Небе́сными во́и, Тя ублажа́ем.

Ирмос: Бога, на Которого не смеют взирать чины Ангелов, видеть людям невозможно: но чрез Тебя, Всечистая, Он явился людям воплотившимся Словом. Мы вместе с небесными воинствами, величая Его, прославляем Тебя.

Пресвята́я Богоро́дице, спаси́ нас.

О, ка́ко узрю́ неви́димаго? Ка́ко ужа́сное о́но претерплю́ виде́ние? Ка́ко дерзну́ отве́рсти о́чи? Ка́ко моего́ Влады́ку сме́ю ви́дети, Его́же не престая́х от ю́ности огорчева́я при́сно?

О, как увижу я Невидимого? Как перенесу это страшное лицезрение? Как дерзну я открыть свои глаза и как посмею я смотреть на моего Владыку, Которого я непрестанно огорчал с юности?

Пресвята́я Богоро́дице, спаси́ нас.

Свята́я Отрокови́це, Богороди́тельнице, на мое́ смире́ние милосе́рдно при́зри, умиле́нное мое́ и после́днее моле́ние сие́ прии́мши, и му́чащаго ве́чнующаго огня́ потщи́ся изба́вити мя.

О, Святая Отроковица Богородительница! Милостиво воззри на мое смирение и, приняв это мое последнее умиленное моление, поспеши избавить меня от вечного мучительного огня.

Пресвята́я Богоро́дице, спаси́ нас.

Хра́мы святы́я оскверни́вшая, скве́рный и теле́сный храм оста́вивши, Тебе́, Бо́жий всечестны́й хра́ме, мо́лит, Отрокови́це Де́во Ма́ти, душа́ моя́ тьмы кроме́шния убежа́ти и лю́таго гее́нскаго жже́ния.

Моя душа, осквернившая святые храмы, оставляя и свой телесный нечистый храм, молит Тебя, Пресвятой Божий Храм — Отроковица Дева Матерь: помоги мне избежать тьмы кромешной и мучительного горения в геенне.

Сла́ва Отцу́ и Сы́ну и Свято́му Ду́ху.

Зря коне́ц бли́зу жития́ моего́, и помышля́я безме́стных мы́слей, дея́ний же, Всечи́стая, ду́шу мою́ де́лательницу, лю́те уязвля́юся стрела́ми со́вести, но прекло́ньшися ми́лостивно, буди́ ми Предста́тельница.

Видя близкий конец своей жизни и размышляя о своей душе, жилище непристойных дел и мыслей, я сильно уязвляюсь стрелами моей совести; Ты же, Чистая Дева, милостиво склонись ко мне и будь моей защитницей.

И ны́не и при́сно и во ве́ки веко́в. Ами́нь.

Сын да́стся нам за ми́лость, Сын Бо́жий и А́нгельский Царь Преве́чный, от чи́стых крове́й Твои́х Челове́к проше́д. Его́же уми́лостиви. Отрокови́це, стра́стней мое́й душе́, исторга́емой лю́те от окая́ннаго моего́ телесе́.

По милости Сын дан нам, Сын Божий, Царь Ангелов, Предвечный Бог, явившийся человеком от чистых кровей Твоих, Дева; умилостивь же Его, Отроковица, о страстной моей душе, в страданиях извлекаемой из несчастного моего тела.

Таже: Досто́йно есть я́ко вои́стину блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем (поклон).

Затем: Достойно есть воистину прославлять Тебя, Богородицу, вечно блаженную и пренепорочную и Матерь Бога нашего. Честью высшую Херувимов и несравненно славне́йшую Серафимов, девственно Бога-Слово родившую, истинную Богородицу — Тебя величаем.

1 Требник.

Канон по исходе души от тела

Начало заупокойных канонов общее:

Молитвами святых отец наших, Господи Иисусе Христе Боже наш, помилуй нас. Аминь.

Святый Боже, Святый крепкий, Святый безсмертный, помилуй нас. (Читается трижды, с крестным знамением и поясным поклоном.)

Слава Отцу и Сыну и Святому Духу, и ныне и присно и во веки веков. Аминь.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Господи, помилуй (трижды).

Слава Отцу и Сыну и Святому Духу, и ныне и присно и во веки веков. Аминь.

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Господи, помилуй (12 раз).

Приидите, поклонимся Цареви нашему Богу (поклон).

Приидите, поклонимся и припадем Христу, Цареви нашему Богу (поклон).

Приидите, поклонимся и припадем Самому Христу, Цареви и Богу нашему (поклон).

Псалом 90

Живый в помощи Вышняго, в крове Бога небеснаго водворится. Речет Господеви: заступник мой еси и прибежище мое, Бог мой, и уповаю на Него. Яко Той избавит тя от сети ловчи, и от словесе мятежна, плещма Своима осенит тя, и под криле Его надеешися, оружием обыдет тя истина Его. Не убоишися от страха нощнаго, от стрелы летящия во дни, от вещи во тьме преходящия, от сряща и беса полуденнаго. Падет от страны твоея тысяща, и тьма одесную тебе, к тебе же не приближится, обаче очима твоима смотриши и воздаяние грешников узриши. Яко Ты, Господи, упование мое; Вышняго положил еси прибежище твое. Не приидет к тебе зло, и рана не приближится телеси твоему, яко Ангелом Своим заповесть о тебе, сохранити тя во всех путех твоих. На руках возмут тя, да не когда преткнеши о камень ногу твою; на аспида и василиска наступиши, и попереши льва и змия. Яко на Мя упова, и избавлю и: покрыю и, яко позна имя Мое. Воззовет ко Мне, и услышу его, с ним есмь в скорби, изму его и прославлю его, долготою дней исполню его и явлю ему спасение Мое.

Слава Отцу и Сыну и Святому Духу, и ныне и присно и во веки веков. Аминь.

Аллилуия, аллилуия, аллилуия, слава Тебе, Боже (трижды).

Господи, помилуй (трижды)

Тропарь, глас 8-й

Глубиною мудрости человеколюбно вся строяй и полезная всем подаваяй, Едине Содетелю, упокой, Господи, души раб Твоих, на Тя бо упование возложиша, Творца и Зиждителя и Бога нашего.

Слава, и ныне: Богородичен: Тебе и стену, и пристанище имамы, и молитвенницу благоприятну к Богу, Егоже родила еси, Богородице Безневестная, верных спасение.

Псалом 50

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя. Яко беззаконие мое аз знаю, и грех мой предо мною есть выну. Тебе единому согреших и лукавое пред Тобою сотворих, яко да оправдишися во словесех Твоих и победиши, внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси, безвестная и тайная премудрости Твоея явил ми еси. Окропиши мя иссопом, и очищуся, омыеши мя, и паче снега убелюся. Слуху моему даси радость и веселие, возрадуются кости смиренныя. Отврати лице Твое от грех моих, и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего, и Духа Твоего Святаго не отыми от мене. Воздаждь ми радость спасения Твоего и Духом владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего, возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо, всесожжения не благоволиши. Жертва Богу дух сокрушен, сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая, тогда возложат на олтарь Твой тельцы.

Канон Глас 8:

Ирмос: Воду прошед, яко сушу, и египетскаго зла избежав, израильтянин вопияше: Избавителю и Богу нашему поим.

Припев: Покой, Господи, душу усопшаго раба Твоего.

Отверз уста моя, Спасе, слово ми подаждь, молитися, Милосерде, о ныне преставленном, да покоиши душу его, Владыко.

Припев: Покой, Господи, душу усопшаго раба Твоего.

Мертв был плотию, Спасе, и во гробе положен с мертвыми, душу раба Твоего покой в месте злачне, яко Милосерд.

Слава: Молебный глас мой услыши, Боже Триипостасне, и учини душу преставленнаго в недрех Авраамлих, Избавителю.

И ныне: Ты, Пречистая Богородице, Егоже без искуса мужеска заченши родила еси, моли Сына Твоего, подати покой рабу Твоему преставленному.

Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, едине Человеколюбче.

Припев: Покой, Господи, душу усопшаго раба Твоего.

В месте злачне, в месте покойне, идеже лицы святых веселятся, душу раба Твоего преставленнаго покой, Христе, едине Милостиве.

Припев: Покой, Господи, душу усопшаго раба Твоего.

Идеже лицы святых, тамо вчини, Владыко, послужившаго Тебе всем сердцем и воздвигшаго иго Твое на рамо свое, яко един Владыка живота и смерти.

Слава: Небесный Отче Вседержителю, и Сыне Единородный, и Душе Святый Исходный, презри умершаго согрешения и в Церкви первенец всели его славити Тя, со всеми угождшими Тебе.

И ныне: Яко Мати Святая Пресвятаго Бога, Владычице всяческих, Марие Богородице, со всеми святыми Сего моли, душу покоити раба Твоего в Небесных селениих.

Ирмос: Услышах, Господи, смотрения Твоего таинство, разумех дела Твоя и прославих Твое Божество.

Припев: Покой, Господи, душу усопшаго раба Твоего.

Сошедый в преисподняя, Христе, совоздвигл еси умершыя вся, и преставльшагося от нас покой, Спасе, яко Щедр.

Припев: Покой, Господи, душу усопшаго раба Твоего.

Никтоже без греха есть, токмо Ты един, Владыко: сего ради преставленному и грехи остави, и в рай того всели.

Слава: Услыши, Троице Святая, гласы молебныя, приносимыя Тебе в церкви о усопшем, и Богоначальным Твоим светом озари душу, омраченную суетными привержении.

И ныне: Родила еси, Пречистая, без мужеска семене, Бога Совершенна и Человека Совершенна, вземлющаго грехи наша, Дево. Того моли, Госпоже, преставльшемуся рабу Твоему подати покой.

Ирмос: Просвети нас повелении Твоими, Господи, и мышцею Твоею высокою Твой мир подаждь нам, Человеколюбче.

Припев: Покой, Господи, душу усопшаго раба Твоего.

Имый живота и смерти власть, преставленнаго от нас покой, Христе Боже. Ты бо еси всех, Спасе, Покой и Живот.

Припев: Покой, Господи, душу усопшаго раба Твоего.

На Тя, Спасе, надежду возложь, умерый отыде от нас, Ты же, Господи, ущедри его, яко Бог Многомилостив.

Слава: Просвети нас, Трисвяте, воспеваемый Владыко, молящихся Тебе, мир Небесный прияти, и в мирных селех душу вчини, отшедшую от временных, в надежде безконечныя жизни.

И ныне: Шуяго стояния, Пречистая, избавити преставленнаго умоли Сына Твоего, Дево Госпоже, яко Спаса и Бога нашего Мати Сущая.

Ирмос: Молитву пролию ко Господу и Тому возвещу печали моя, яко зол душа моя исполнися и живот мой аду приближися, и молюся, яко Иона: от тли, Боже, возведи мя.

Припев: Покой, Господи, душу усопшаго раба Твоего.

Ада испроверг, Владыко, воскресил еси умершыя от века, и ныне преставленнаго от нас в недро Авраамле Ты, Боже, всели, прегрешения вся отпустив, яко Милосерд.

Припев: Покой, Господи, душу усопшаго раба Твоего.

Заповедь, юже ми дал еси, Боже, преступих и смертен бых, но Ты, Боже, сошедый во гроб и души яже от века воскресивый, не возстави мене, Владыко, на мучение, но на покой, преставленный вопиет Тебе нами, Многомилостиве.

Слава: Молим Тя, Безначальне Отче, и Сыне, и Душе Святый, злобою душезлобнаго мира озлобленную и к Тебе Зиждителю прешедшую душу, во адово дно не отрини, Боже, Спасе мой.

И ныне: С небесе Христос Бог наш, яко дождь на руно, Пречистая, сниде на Тя, напаяя весь мир и изсушая вся безбожныя потоки, наводняяй всю землю разумом Своим, Приснодево. Того моли дати покой преставленному рабу Твоему.

Кондак, глас 8:

Со святыми упокой, Христе, душу раба Твоего, идеже несть болезнь, ни печаль, ни воздыхание, но жизнь безконечная.

Сам Един еси Безсмертный, сотворивый и создавый человека: земнии убо от земли создахомся, и в землю туюжде пойдем, якоже повелел еси, Создавый мя и рекий ми: яко земля еси и в землю отыдеши, аможе вси человецы пойдем, надгробное рыдание творяще песнь: Аллилуиа, аллилуиа, аллилуиа.

Ирмос: От Иудеи дошедше, отроцы в Вавилоне иногда, верою Троическою пламень пещный попраша, поюще: отцев Боже, благословен еси.

Припев: Покой, Господи, душу усопшаго раба Твоего.

Владыко Христе Боже, егда хощеши судити миру, пощади душу раба Твоего, егоже от нас приял еси, вопиющаго: отец наших Боже, благословен еси.

Припев: Покой, Господи, душу усопшаго раба Твоего.

В пищи райстей, идеже праведных души веселятся послуживших Тебе, причти с ними, Христе, душу раба Твоего, воспевшаго: отец наших Боже, благословен еси.

Слава: Иудейския три отроки спасый во огни, в триех Лицех воспетый, избави огня вечнаго усопшаго, воспевшаго Ти верно: отец наших Боже, благословен еси.

И ныне: Исаиа Тя Жезл нарече, Чистая; Даниил же Гору Несекомую; Иезекииль же Дверь, из Неяже пройде Христос; мы же Тя Истинную Богородицу именующе, величаем.

Ирмос: Седмерицею пещь халдейский мучитель богочестивым неистовно разжже, силою же лучшею спасены, сия видев, Творцу и Избавителю вопияше: отроцы, благословите, священницы, воспойте, людие, превозносите во вся веки.

Припев: Покой, Господи, душу усопшаго раба Твоего.

Скончав течение, и к Тебе прибегох, Господи, преставленный вопиет ныне: прегрешения остави, Христе Боже, и не осуди мене, егда хощеши судити всем, верно бо Тебе взывах: вся дела Господня Господа пойте, и превозносите Его во веки.

Припев: Покой, Господи, душу усопшаго раба Твоего.

Понесшаго, Владыко, иго Твое на раме Своем, и бремя Твое легкое, аще и не всегда, обаче в месте преподобных Твоих всели душу его, воспевшаго Тебе, Христе Спасе: отроцы, благословите, священницы, воспойте, людие, превозносите Его во веки.

Благословим Отца, и Сына, и Святаго Духа, Господа.

Безначальная Троице Святая, Боже Отче, и Сыне, и Душе Святый, в лице святых причти душу преставленнаго раба Твоего, и огня вечнаго избави, да Тя хвалит, воспевая во веки: отроцы, благословите, священницы, воспойте, людие, превозносите Его во веки.

И ныне: Тя, Дево, пророчестии лицы прорекоша, прозряще бо Тя прозорливыма очима: ов убо Жезл нарече Тя, ин же Дверь Восточную, ов же Гору человеки Несекомую. Мы же исповедуем Тя воистинну Богородицу, Бога всяческих рождшую; Егоже моли упокоити преставленнаго во веки вся.

Ирмос: Ужасеся о сем небо, и земли удивишася концы, яко Бог явися человеком плотски, и чрево Твое бысть пространнейшее небес. Тем Тя, Богородицу, Ангелов и человек чиноначалия величают.

Припев: Покой, Господи, душу усопшаго раба Твоего.

Иисусе, Боже мой, Спасе, Адамле Ты взял еси преступление, и смерти вкусил еси, да человеки от нея свободиши, Милосерде. Темже молим Тя, Милостиве: преставленнаго покой, яко Благ, во дворех святых Твоих, яко Един Всеблагий и Милосердый.

Припев: Покой, Господи, душу усопшаго раба Твоего.

Несть никтоже, Милосерде, иже не согреши в человецех, токмо Ты Един, Иисусе Христе, вземляй грехи всего мира. Темже, очистив раба Твоего от прегрешений, вчини во святых Твоих дворех: Ты бо Живот еси и Покой, и Свет, и Веселие всех Тебе благоугодивших.

Слава: Удивися все естество человеческое, како Безначальнаго Отца Сын, сый Единородный, плоть от Девы действом Святаго Духа приял еси, и пострадал еси яко человек, да умершия оживиши. Тем и преставленнаго ныне от нас, прилежно молим Тя, во стране живых, яко Благ, всели.

И ныне: Невесту Тя нарицаем, Пречистая, Отца невидимаго, и Матерь Сына, из Тебе Духом Святым воплощеннаго; и Молебницу Тя о усопшем рабе Твоем, предлагаем: Тебе бо Помощницу имамы земнии, и любовию поюще Тя величаем.

Окончание канона

Тропарь, глас 6:

Един естеством сый Животворец, Христе, и благости воистинну неизследимая пучина, ныне преставльшагося раба Твоего Царствия Твоего сподоби: Ты бо Един еси имеяй множество щедрот и безсмертие. Слава, и ныне:

Богородичен: Источник живота рождшая, Владычице, Избавителя миру Иисуса Господа, Того прилежно моли, безконечнаго живота преставльшагося ныне раба Твоего сподобити: Ты бо христиан Едина еси известнейшая Помощница.

Господи, помилуй. (12 раз)

И молитву сию:

Помяни, Господи Боже наш, в вере и надежди живота вечнаго преставльшагося раба Твоего, брата нашего (имярек) и яко Благ и Человеколюбец, отпущаяй грехи, и потребляяй неправды, ослаби, остави и прости вся вольная его согрешения и невольная; избави его вечныя муки и огня геенскаго, и даруй ему причастие и наслаждение вечных Твоих благих, уготованных любящим Тя: аще бо и согреши, но не отступи от Тебе, и несумненно во Отца, и Сына, и Святаго Духа, Бога Тя в Троице славимаго, верова, и Единицу в Троице, и Троицу во Единстве, православно даже до последняго своего издыхания исповеда. Темже милостив тому буди, и веру, яже в Тя, вместо дел вмени, и со святыми Твоими яко Щедр упокой: несть бо человека, иже поживет и не согрешит. Но Ты Един еси кроме всякаго греха, и правда Твоя, правда во веки; и Ты еси Един Бог милости и щедрот, и человеколюбия; и Тебе славу возсылаем, Отцу, и Сыну, и Святому Духу, ныне и присно, и во веки веков. Аминь.

Досто́йно есть я́ко вои́стинну блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй. (Трижды)

Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х поми́луй нас. Ами́нь.

Канон бываемый на разлучение души от тела, внегда человек долго страждет
(и умереть не может)

Начало канона:

Молитвами святых отец наших, Господи Иисусе Христе Боже наш, помилуй нас. Аминь.

Святый Боже, Святый крепкий, Святый безсмертный, помилуй нас. (Читается трижды, с крестным знамением и поясным поклоном.)

Слава Отцу и Сыну и Святому Духу, и ныне и присно и во веки веков. Аминь.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Господи, помилуй (трижды).

Слава Отцу и Сыну и Святому Духу, и ныне и присно и во веки веков. Аминь.

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Господи, помилуй (12 раз).

Приидите, поклонимся Цареви нашему Богу (поклон).

Приидите, поклонимся и припадем Христу, Цареви нашему Богу (поклон).

Приидите, поклонимся и припадем Самому Христу, Цареви и Богу нашему (поклон).

Псалом 69

Бо́же, в по́мощь мою́ вонми́, Го́споди, помощи́ ми потщи́ся. Да постыдя́тся и посра́мятся и́щущии ду́шу мою, да возвратя́тся вспять и постыдя́тся хотя́щии ми зла́я. Да возвратя́тся а́бие стыдя́щеся глаго́лющии ми: бла́гоже, бла́гоже. Да возра́дуются и возвеселя́тся о Тебе́ вси и́щущии Тебе́, Бо́же, и да глаго́лют вы́ну, да возвели́чится Госпо́дь, лю́бящии спасе́ние Твое: аз же нищ есмь и убо́г, Бо́же, помози́ ми: Помо́щник мой и Изба́витель мой еси́ Ты, Го́споди, не закосни́.

Псалом 142

Го́споди, услы́ши моли́тву мою́, внуши́ моле́ние мое́ во и́стине Твое́й, услы́ши мя в пра́вде Твое́й и не вни́ди в суд с рабо́м Твои́м, я́ко не оправди́тся пред Тобо́ю всяк живы́й. Я́ко погна́ враг ду́шу мою, смири́л есть в зе́млю живо́т мой, посади́л мя есть в те́мных, я́ко ме́ртвыя ве́ка. И уны́ во мне дух мой, во мне смяте́ся се́рдце мое́. Помяну́х дни дре́вния, поучи́хся во всех де́лех Твои́х, в творе́ниих руку́ Твое́ю поуча́хся. Возде́х к Тебе́ ру́це мои́, душа́ моя́, я́ко земля́ безво́дная Тебе́. Ско́ро услы́ши мя, Го́споди, исчезе́ дух мой, не отврати́ лица́ Твоего́ от мене́, и уподо́блюся низходя́щым в ров. Слы́шану сотвори́ мне зау́тра ми́лость Твою, я́ко на Тя упова́х. Скажи́ мне, Го́споди, путь во́ньже пойду́, я́ко к Тебе́ взях ду́шу мою́. Изми́ мя от враг мои́х, Го́споди, к Тебе́ прибего́х. Научи́ мя твори́ти во́лю Твою́, я́ко Ты еси́ Бог мой. Дух Твой Благи́й наста́вит мя на зе́млю пра́ву. И́мене Твоего́ ра́ди, Го́споди, живи́ши мя, пра́вдою Твое́ю изведе́ши от пе́чали ду́шу мою́. И ми́лостию Твое́ю потреби́ши враги́ моя́ и погуби́ши вся стужа́ющыя души́ мое́й, я́ко аз раб Твой есмь. Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния мое́го, и от греха́ мое́го очи́сти мя. Я́ко беззако́ние мое́ аз зна́ю, и грех мой предо мно́ю есть вы́ну. Тебе́ еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х и победи́ши, внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́, безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся, омы́еши мя, и па́че сне́га убелю́ся. Слу́ху моему́ да́си ра́дость и весе́лие, возра́дуются ко́сти смире́нныя. Отврати́ лице́ Твое́ от грех мои́х, и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния мое́го, возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо, всесожже́ния не благоволи́ши. Же́ртва Бо́гу дух сокруше́н, се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая, тогда́ возложа́т на олта́рь Твой тельцы́.

КАНОН Глас 6-й

Я́ко по су́ху пешеше́ствовав Изра́иль, по бе́здне стопа́ми, гони́теля фарао́на ви́дя потопля́ема, Бо́гу побе́дную пе́снь пои́м, вопия́ше.

Припев: Поми́луй мя, Бо́же, поми́луй мя.

Прииди́те, собери́тися вси, и́же благоче́стно в житии́ пожи́вшии, и воспла́чите о души́ отчужде́нней сла́вы Бо́жия, и рабо́тавшей сту́дным де́моном вся́ким тща́нием.

Поми́луй мя, Бо́же, поми́луй мя.

Ны́не у́бо вре́мя все моего́ живо́та, я́ко дым претече́, и предста́ша про́чее а́нгели по́сланнии от Бо́га, окая́нную мою́ ду́шу и́щущи неми́лостивно.

Слава: Се, предста́ша мно́жество лука́вых духо́в, держа́ще мои́х грехо́в написа́ние, и зову́т зело́, и́щуще безсту́дно смире́нныя моея́ души́.

И ныне: Про́чее к кому́ возопию́; кто мой плач от боле́зни прии́мет, и се́рдца воздыха́ние, то́кмо Ты Пренепоро́чная, Чи́стая, Наде́жда христиа́н и всех гре́шных.

Несть свят, я́коже Ты, Го́споди Бо́же мой, вознесы́й рог ве́рных Твои́х, Бла́же, и утверди́вый нас на ка́мени испове́дания Твоего́.

Поми́луй мя, Бо́же, поми́луй мя.

До́брии мои́ дру́зи и зна́емии, почто́ не пла́чете, почто́ не рыда́ете, и́же иногда́ люби́маго дру́га и бра́та, ны́не же стра́нна Бо́га и всех вас.

Поми́луй мя, Бо́же, поми́луй мя.

Возлю́бленная моя́ бра́тия, зря́ще моя́ дея́ния облича́ема ме́рилом пра́ведным, Христа́ всех Бо́га моли́те, ми́лостива бы́ти мне.

Слава: Помяну́вше моея́ возлю́бленнии, е́же к вам дру́жбы, Христа́ моли́те призре́ти на мя злополу́чна, живота́ лиши́вшегося, и му́чима.

И ныне: Приклони́ у́хо Твое́ ко мне, Бо́га моего́ Ма́ти, от высоты́ сла́вы мно́гия Твоея́, Благая́, услы́ши стена́ние после́днее, и ру́ку пода́ждь ми.

Христо́с моя́ си́ла, Бог и Госпо́дь, честна́я Це́рковь боголе́пно пое́т, взыва́ющи, от смы́сла чи́ста о Го́споде пра́зднующи.

Поми́луй мя, Бо́же, поми́луй мя.

Увы́ мне блу́дному, увы́ мне окая́нному: я́ко ру́це простира́ю к мои́м друго́м, и сле́зы от о́чию пролива́ю, но никто́же ми́луяй мя.

Поми́луй мя, Бо́же, поми́луй мя.

По́двиг наста́ мне души́ всегуби́телен, и очи́ма взира́яй к Бо́жиим све́тлым А́нгелом, вопию́: ма́ло оста́вите мя пожи́ти, но никто́же послу́шаяй мене́.

Слава: О мне пла́чите, о мне рыда́йте а́нгельстие собо́ри, и челове́цы вси христолю́бцы: неми́лостивно бо ду́ша моя́ от те́ла разлуча́ется.

И ныне: Влады́чице, Влады́чице, ны́не поми́луй ду́шу недоумева́ющую, и к Твоему́ покро́ву еди́ному зря́щую, и не пре́зри, Блага́я, де́моном отда́ну бы́ти ми.

Бо́жиим све́том Твои́м, Бла́же, у́тренюющих Ти ду́ши любо́вию озари́, молю́ся, Тя ве́дети, Сло́ве Бо́жий, И́стиннаго Бо́га, от мра́ка грехо́внаго взыва́юща.

Поми́луй мя, Бо́же, поми́луй мя.

Свет у́мный возсия́й на мя, да ви́жу Тя Христе́, поне́ вма́ле: ктому́ бо не у́зрю Тебе́; о́блак бо де́монов внеза́пу нападе́ на мя, и тьма сту́дных мои́х дел покрыва́ет мя.

Поми́луй мя, Бо́же, поми́луй мя.

Спаси́теся вси возлю́бленнии, благоутро́бнии о мне я́вльшеся злоча́стнем и всеокая́ннем: вси бо а́ще еди́нем гла́сом провеща́ли бы́сте к моему́ Влады́це, тьмы изба́вили мя бы́сте.

Слава: Спаса́йся, вели́кий кня́же Божи́й Миха́йле, А́нгелов нача́льниче: ктому́ бо твое́ святое́ и́мя не призову́, е́же помощи́ мне: молчи́та бо мои́ устне́, и язы́к связа́ся.

И ныне: Спаса́йся и Ты, Нескве́рная Чи́стая Ма́ти Христа́ моего́ и Бо́га: ктому́ бо о́браза Твоего́, от мои́х согреше́ний не узрю́ окая́нный, угасе́ бо свет мой и нощь покры́ мя.

Жите́йское мо́ре, воздвиза́емое зря напа́стей бу́рею, к ти́хому приста́нищу Твоему́ прите́к, вопию́ Ти: возведи́ от тли́ живо́т мой, Многоми́лостиве.

Поми́луй мя, Бо́же, поми́луй мя.

Приклони́те у́хо ва́ше бра́тия моя́ ко мне, и кро́тко услы́шите умиле́нных глаго́л ма́лое веща́ние, и не прослу́шайте, и мзду от Го́спода вси восприи́мете.

Поми́луй мя, Бо́же, поми́луй мя.

Се, ны́не разлуча́ется с боле́знию душа́ от окая́ннаго моего́ телесе́: не у́бо те́ло мое́ погребе́те в земли́, несть бо досто́йно: но извле́кше вон, псом пове́рзите.

Слава: Ка́я бо мне по́льза, души́ мое́й в стра́шныя му́ки вве́ржене бы́ти, те́лу же пе́ту бы́ти от вас; оста́вите непогребе́но, я́ко да снедя́т пси се́рдце мое́.

И ныне: Не́гли мимоходя́щии, стра́нии, ви́дяще ко́сти от псов влеко́мы, умили́вшеся воззову́т от души́: помози́, Влады́чице, души́ окая́ннаго сего́ те́ла.

Росода́тельну у́бо пещь соде́ла А́нгел, преподо́бным отроко́м, халде́и же опаля́ющее веле́ние Бо́жие, мучи́теля увеща́ вопи́ти: благослове́н еси́, Бо́же оте́ц на́ших.

Поми́луй мя, Бо́же, поми́луй мя.

Се, привле́кше отторго́ша от телесе́ лю́те внеза́пу окая́нную ду́шу, и отво́дят к Судии́ гро́зному и стра́шному: помяну́вше у́бо возлю́бленнии, е́же к вам моея́ бесе́ды, па́мять твори́те мне.

Поми́луй мя, Бо́же, поми́луй мя.

Поми́луйте мя А́нгели всесвяти́и Бо́га Вседержи́теля, и изба́вите мыта́рств всех лука́вых: не и́мам бо де́ла бла́га, возме́рити ме́рилу злых мои́х дея́ний.

Слава: Егда́ взы́дете всесвяти́и мои́ А́нгели предста́ти суди́щу Христо́ву, коле́на прекло́ньше плаче́вно возопи́йте Ему́: поми́луй всех Тво́рче, де́ло руку́ Твое́ю, Бла́же, и не отри́ни от Тебе́.

И ныне: Покло́ньшеся Влады́чице и Пречи́стей Ма́тери Бо́га моего́, помоли́теся, я́ко да прекло́нится с ва́ми, и прекло́нит Его́ на ми́лость: ми́лости су́щи и Пита́тельница, услы́шана бу́дет.

Из пла́мене преподо́бным ро́су источи́л еси́, и пра́веднаго же́ртву водо́ю попали́л еси́, вся бо твори́ши, Христе́, то́кмо е́же хоте́ти. Тя превозно́сим во вся ве́ки.

Поми́луй мя, Бо́же, поми́луй мя.

Ны́не совоздохни́те вси земни́и концы́ о мне окая́ннем, и спла́чите: прии́де бо лю́тое свы́ше изрече́ние, рука́ма мои́ма связа́тися, и нога́ма изри́нутися.

Поми́луй мя, Бо́же, поми́луй мя.

Недоуме́в от всех, к тебе́ храни́телю окая́ннаго живота́ моего́, стеня́ зову́ го́рько: виждь мои́х уз ве́чных озлобле́ние, и не оскуде́й о мне моля́ся.

Слава: Поне́же бых де́моном изда́н, и во а́дово дно ну́ждею низво́дят, вем, яко ны́не вси мене́ забы́ша, ты же помяни́ мене́, о А́нгеле Госпо́день.

И ныне: Христа́ моего́ Ма́ти, ка́ко забы́ла еси́ мене́, ка́ко не преклони́ла еси́ на милосе́рдие Источи́вшаго кровь от ребра́, да спасе́т, я́же созда́; увы́ мне, ка́ко заключи́ся милосе́рдие Христа́ моего́.

Бо́га челове́ком невозмо́жно ви́дети, на Него́же не сме́ют чи́ни А́нгельстии взира́ти. Тобо́ю же, Всечи́стая, яви́ся челове́ком Сло́во Воплоще́нно. Его́же велича́юще, с Небе́сными во́и, Тя ублажа́ем.

Поми́луй мя, Бо́же, поми́луй мя.

Бо́га не ктому́ аз помяну́, не ктому́ бо во а́де помина́ти Го́спода: но во тьме лю́те покрыва́емь сежу́, ожида́я Воскресе́ния всех челове́к, да суди́вся во огнь вве́ргуся.

Поми́луй мя, Бо́же, поми́луй мя.

Бог не ктому́ мене́ помяне́т, ниже́ мно́жество а́нгелов, арха́нгелов собо́р, проро́ков, апо́столов собра́ние, мно́жества же му́чеников, всех же пра́ведных: еди́н у бо почерплю́ зла́я, я́же собра́х.

Слава: Пла́чите о мне ны́не и рыда́йте, а́дово дно и бе́здна, и червь и та́ртар, му́ки убо вся о мне возстони́те: еди́н бо от христиа́н ведо́хся, вам пре́дан бых, еже му́читися го́рько.

И ныне: Бо́жия Ма́ти, виждь в бе́здну, виждь ду́шу му́кам пре́данную му́читися, и коле́на прекло́ньши прослези́, да прекло́нится Твои́ми мольба́ми, И́же кровь Свою́ да́вый за мене́, воззва́ти мя.

Досто́йно есть я́ко вои́стинну блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй. (Трижды)

Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х поми́луй нас. Ами́нь.

Добавить комментарий

Ваш e-mail не будет опубликован. Обязательные поля помечены *