Святой Савва сербский

Православный Церковный календарь

Кондак 1

Избранный от Царя сил Господа Иисуса Христа и призванный благодатию от кралевскаго рода во иночество и архиерейство, первосвятителю Сербския Церкве, богоносне отче Савво, удовли нас восхваляти тя с любовию, яко богодарованнаго пастыря и учителя нашего; ты же, имея дерзновение ко Господу, вкупе с отцем и братом твоима по плоти, мироточивым Симеоном и преподобным Симоном, первовенчанным кралем, молися выну о спасении всего достояния своего, православнаго народа сербскаго, и о нас грешных, избавляя от всяких зол, бед и скорбей, вопиющия ти:

Радуйся, святителю Савво, первопастырю и учителю Сербский, дивный чудотворче.

Икос 1

Ангельскую чистоту от юности возлюбив, Савво блаженне, во младости великий подвижник благочестия показался еси, во еже всем дивитися благонравию и благочестию души твоея, зане яко юноша сый и кралевич рождением, постом, бдением и молитвами, плоть твою обуздал еси. Сего ради и слышиши от нас похвальныя песни таковыя:

Радуйся, отца благочестиваго и матере благонравныя, сыне Богом возлюбленне;

Радуйся, единаго Бога всем сердцем твоим возлюбивый;

Радуйся, рождением твоим родителя утешивый и неплодие ею разрешивый;

Радуйся, плод благословенный, многими молитвами испрошенный;

Радуйся, кралевскаго рода Немани отрасль святопрозябшая;

Радуйся, Сербския земли духовная красото;

Радуйся, родителю твоею в старости утешение и радование;

Радуйся, има паче других чад, зело любимый;

Радуйся, плотоугодие еще во младости отвергнувый;

Радуйся, о благих небесных паче неже о земных выну помышлявый;

Радуйся, чистоты душевныя и телесныя добрый рачителю.

Радуйся, святителю Савво, первопастырю и учителю Сербский, дивный чудотворче.

Кондак 2

Видев суету и непостоянство славы земныя, Савво богомудре, устремился еси духом твоим в горняя ко Господу, Иже зря твое желание божественное, посла к тебе инока преподобнаго из святыя горы Афонския, егоже поучением наставляемый, оставил еси родителя твоя и отечество твое, в жребий же земный Пресвятыя Богородицы на святую гору Афонскую пришел еси, и тамо во обители Российстей водворился еси, зовый немолчно с работающими Господеви, ангельскую песнь: Аллилуия.

Икос 2

Разумевше отшествие твое, родителя твоя плакастеся горце, скорбяще о твоем лишении, Савво преподобне, таже помыслиша и абие послаша искати тя даже до Афона верныя слуги своя, яко да убедят тя к нима возвратитися. Ты же, святе, пришествие посланных слугъ уведев, мудре с ними беседовал еси, таже от них удалився, на пиргъ высокий возшел еси, и тамо пострижение иноческое восприявый, кралевскую ризу твою, вкупе с власы главы твоея, в пострижении отятыми, посланным тем с пирга повергл еси, заповедав им рещи родителема твоима, яко сын ею Растко, уже инок Савва есть. Таковую ревность твою о спасении поминающе, зовем ти сице:

Радуйся, владения земнаго славу презревый;

Радуйся, родителя твоя и отечество твое Христа ради оставивый;

Радуйся, на святую Афонскую гору работати Господеви пришедый;

Радуйся, во обители Российстей тамо водворивыйся;

Радуйся, сея обители постриженец бывый;

Радуйся, подвиги твоими оную прославивый;

Радуйся, яко в ней доселе имя твое молитвенно ублажается;

Радуйся, яко обитель сия тобою светло красуется;

Радуйся, подвиги поста и молитвы отцев Афонских удививый;

Радуйся, во единой власянице босыма ногама обители Афонския обошедый;

Радуйся, талант, врученный ти, умноживый;

Радуйся, в послушание старцу богомудрому во обители Ватопедстей себе предавый;

Радуйся, во смирении и терпении зело преуспевый.

Радуйся, святителю Савво, первопастырю и учителю Сербский, дивный чудотворче.

Кондак 3

Силою Всевышняго укрепляемый, святче Божий, подвиги великия во иночестве совершал еси, во обители Ватопедстей на Афоне, постом, бдением и всяким изнурением умерщвляя плоть твою, мраз и зной терпел еси, аки безплотный, и бос ходяй по острому камени неуязвим пребывал еси, покоряя плоть духу, любовию ко Господу выну пламеневый, во еже пети тебе немолчную Ему песнь: Аллилуия.

Икос 3

Имея попечение о спасении душевнем родителию твоею, отче Савво, выну молился еси о сем Богу. Благий же Человеколюбец, творяй волю боящихся Его, внуши родителема твоима писанием твоим к нима зело умиленным, владение земное оставити и пострижение иноческое восприяти. Сего ради отец твой, преподобный Симеон, из Сербии на Афон прииде и вкупе с тобою в Ватопеде водворися, с ним же тя ныне ублажаем и зовем:

Радуйся, спасения душевнаго родительма твоима усердный желателю;

Радуйся, ко оставлению славы земныя, има богомудрый советодателю и увещателю;

Радуйся, пришествием к тебе на Афон отца твоего зело утешенный;

Радуйся, спостник и сомолитвенник ему бывый;

Радуйся, подвиги иноческия нести ему помогавый;

Радуйся, немощи его старческия терпеливо носивый;

Радуйся, в недузех ему любвеобильно послуживый;

Радуйся, тяготу скорбей и лишений пустынных ему облегчивый;

Радуйся, подвиги твоими подвиги отчия восполнявый;

Радуйся, угодника Божия истиннаго его совершивый;

Радуйся, его благословением святым осененный;

Радуйся, вкупе с ним от верных людей молитвенно почитаемый.

Радуйся, святителю Савво, первопастырю и учителю Сербский, дивный чудотворче.

Кондак 4

Бурею моря житейскаго обуреваемым, тихое пристанище на Афоне построити потщался еси, отче Савво, иноческую сербскому роду обитель, Хилендарь именуему, юже Пресвятей Богородице посвятил еси, храмы Божиими и зданьми многими сию украсив, имением же довольным ю снабдив, и грамматами царей утвердив, в нейже и сам с родителем твоим, преподобным Симеоном, вселился еси жити. Сего ради обитель сия вы оба ктиторома своима почитает, и памяти ваши торжествующи, молебно возсылает хвалебную песнь Богу: Аллилуия.

Икос 4

Слышав звание Божие преподобный Симеон, к вечным обителем его призывающее, стяжа тя, Савво богоносне, молитвеннаго помощника при исходе своем, и на руку твоею сыновню дух свой Господеви предаде, тело же его святое ты с подобающею честию во гробе мраморне в соборнем храме Хилендарския обители положил еси, и молитвами твоими мощем отца твоего мироточения благодать от Бога испросил еси, сим подвизая верныя люди звати к тебе:

Радуйся, всесильный и богоприятный к Богу молитвенниче;

Радуйся, равноангельный человече;

Радуйся, яко святыя мощи и самый гроб отца твоего, по молитве твоей к Богу, миро благоуханное и целебное источиша;

Радуйся, яко сим зело обрадованный Бога немолчно славословил еси;

Радуйся, яко отец твой преподобный, по смерти послушание дивное тебе показа;

Радуйся, яко по твоему прошению, изсякшее от гроба миро, паки источися;

Радуйся, во славе святых отца твоего таинственно созерцавый;

Радуйся, во светлом видении обетования благия от него услышавый;

Радуйся, яко по заповеди отца твоего мощи его от Афона в Сербию тобою принесени быша;

Радуйся, яко тако в обители Студеницкой со славою многою тобою положени быша;

Радуйся, прославления отца твоего в лице святых виновниче;

Радуйся, святыя памяти его усердный почитателю.

Радуйся, святителю Савво, первопастырю и учителю Сербский, дивный чудотворче.

Кондак 5

Богосиянное светило быв, Савво богомудре, волею Пастыреначальника Иисуса, на свещнице Сербския Церкве поставлен был еси, и от патриарха Вселенскаго во архиепископа сербскому народу от земли его явился еси, егоже тщательне везде и всегда поучал еси в вере святей православней твердо и неуклонно пребывати, богоугодно же возносити хвалебную песнь Пресвятей Троице: Аллилуия.

Икос 5

Видев себе разлучаема с любимою тобою афонскою пустынею, отче Савво, скорбел еси духом твоим, обаче Пресвятая Богородица явися ти в светлом видении, и обетованьми помощи от Нея и заступления, скорбящую душу утеши и укрепи. Тебе сице обрадовану видением и беседою Царицы Небесныя, и мы, земнии, радостно вопием:

Радуйся, избранный сосуде Духа Святаго;

Радуйся, при хиротонии твоей светом небесным свыше осиянный;

Радуйся, таинниче Пресвятыя Троицы;

Радуйся, собеседниче Пресвятыя Богородицы;

Радуйся, слышавый от уст Ея милостивыя глаголы;

Радуйся, приемый от Нея обетование помощи и заступления;

Радуйся, равноапостолный Сербския страны первопрестольниче;

Радуйся, учредителю богоблагословенныя иерархии, поставлением епископов в Сербстей державе;

Радуйся, краснеи нозе твои направивый к распространению проповеди Евангельския;

Радуйся, Сербию светом Христовым совершенно просветивый;

Радуйся, многи храмы Божии и обители иноческия в ней воздвигнувый;

Радуйся, щедродательный милостыни подателю;

Радуйся, благосердный нищих питателю.

Радуйся, святителю Савво, первопастырю и учителю Сербский, дивный чудотворче.

Кондак 6

Проповедник Православныя веры явился еси в Сербии, Савво священне, егда в соборнем храме твоем Жичстем символ Православныя веры громогласно исповедал еси, и сей исповедати паству твою научил еси, да вси единомысленни пребудут с тобою, и возмогут единеми усты и единем сердцем пети вкупе с тобою песнь хвалы и благодарения Триипостасному Богу: Аллилуия.

Икос 6

Возсиял еси, святителю Христов, яко звезда пресветлая в отечестве твоем земнем, и люди твоя в Православней вере и благочестии утверждал еси златословесными поучении твоими, ереси же и расколы искоренял еси мечем слова Божия. Сего ради тя, яко ангела Божия люди сербстии почитаху, зовуще и велегласно глаголюще:

Радуйся, архиерею, власть вязати и решити достойно восприявый;

Радуйся, иерарше, во всеоружие Христово облеченный;

Радуйся, пастырю добрый, готовый душу свою положити за богоданныя ти люди и паству твою;

Радуйся, усердный делателю винограда Господня;

Радуйся, светильниче, сияющий и просвещающий сердца человеческая;

Радуйся, лучу пресветлый Солнца правды Христа;

Радуйся, чудотворения даром от Господа прославленный;

Радуйся, исцеления многая рукама твоима совершивый;

Радуйся, разслабленнаго молитвою твоею здрава сотворивый;

Радуйся, вражду единокровных благодатно умиротворивый;

Радуйся, в стан неприязненных един ходивый;

Радуйся, словесы твоими враждовавших смиривый;

Радуйся, умершаго брата краля Стефана воскресивый и желание его исполнь, в иночество облекий его, нарекши Симоном.

Радуйся, святителю Савво, первопастырю и учителю Сербский, дивный чудотворче.

Кондак 7

Хотение едино имел еси, святче Божий, еже Богу благоугождати и спасению душевному ближних твоих служити. Сего ради не дал еси сна очима твоима, ни веждома дремания, неленостно подвизаяся во благо святыя Церкве Сербския и во спасение и пользу вверенных ти от Бога благоверных людей, и воистинну соделался еси столпъ Православия и сохранение народа сербскаго непоколебимое, иже тя нелестно хвалит и зовет укрепившему тя Церкве Зиждителю Христу: Аллилуия.

Икос 7

Новаго тя Николая Мирликийскаго и Златоуста Цареградскаго стяжа земля Сербская: чудесы бо твоими первому подобен был еси, златословесными же учении второму подражал еси, святителю отче нашъ Савво, воистинну достойный благохвалений таковых:

Радуйся, немолчный проповедниче Евангелия Христова;

Радуйся, верный последователю преданий апостольских;

Радуйся, святых богоносных отец нравы себе усвоивый;

Радуйся, теплый молитвенниче о душах наших;

Радуйся, неусыпное моление в типикарнице карейстей на Афоне совершати повелевый;

Радуйся, благовременно и безвременно паству твою благочестию поучавый;

Радуйся, мечу, ереси и расколы посекаяй;

Радуйся, громе, соблазнителей устрашаяй;

Радуйся, обидимых заступниче;

Радуйся, вдов и сирот благодетелю;

Радуйся, скорбящих утешителю;

Радуйся, кающихся с Богом примирителю;

Радуйся, отроков богомудрый наказателю;

Радуйся, младенцев любвеобильный покровителю и богомудрый наставниче.

Радуйся, святителю Савво, первопастырю и учителю Сербский, дивный чудотворче.

Кондак 8

Странник и пришлец восхотел еси, Христа ради быти, святителю Савво, подражаяй Спасу душ наших, не имевшему где главу приклонити, Егоже ради ты отечество твое оставил еси, и на поклонение святым местом в различныя страны потекл еси, с верою и любовию святыням в них покланяяся, милостыню же многу церквам, обителем и нищим раздавая и воспевая присно Богу: Аллилуия.

Икос 8

Весь в Бозе бывый, святителю преподобне, о Бозе стопе твои странничестеи направил еси и во святем граде Иерусалиме, места святая, житием и страданием Христа Спасителя ознаменованная, молитвенно обходил еси, сим покланяяся и слезы теплыя от очию твоею изливая, яко жертву любве твоея к пострадавшему нас ради Господу, Иже внушает нам вопити тебе:

Радуйся, мудрый странниче, иский отечествия небеснаго;

Радуйся, Христов избранниче, презревый вся блага земная;

Радуйся, святаго града Иерусалима дольняго благоговейный поклонниче;

Радуйся, светлаго града Иерусалима горняго усердный и мудрый искателю;

Радуйся, Царьград, Палестину, Египет, Синай и Афон посетивый;

Радуйся, Ливию, Фиваиду, Антиохию, Сирию и Армению обходивый;

Радуйся, по морю и суши многотрудно путешествовавый;

Радуйся, многия великия святыни в пути твоем собравый;

Радуйся, от пастырей Православныя Церкве везде с любовию и честию приемлемый;

Радуйся, от нищих и убогих за благотворения твоя благословляемый;

Радуйся, пленников свободителю;

Радуйся, пустынножителей утешителю.

Радуйся, святителю Савво, первопастырю и учителю Сербский, дивный чудотворче.

Кондак 9

Вси иноцы великия Лавры преподобнаго Саввы Освященнаго с радостию сретоша тя, богомудре Савво, егда к ним на поклонение пришел еси, и познаша тя дивнаго пришельца, от лет древних им обетованнаго. Темже тебе, яко достойному, жезл преподобнаго Саввы Освященнаго и две иконе Богородични чудотворнеи, Троеручицы и Млекопитательницы именуемеи, на благословение дароваша ти, поюще гласы преподобными Творцу всяческих Богу: Аллилуия.

Икос 9

Ветийство человеческое не довлеет к прославлению многих чудес твоих, святителю иерарше приснопамятне: море бо волнующееся молитвою твоею укротил еси, и рыбу дивно из глубины морския в корабли приял еси, недужныя возложением руку твоею исцелял еси и мертвыя преславно воскрешал еси, яко верный ученик Христа Бога. Темже тебе вопием хвалебно, ублажая тя сице:

Радуйся, обетований Евангельских исполнение приемый;

Радуйся, смирением высокая стяжавый;

Радуйся, врачу безмездный, исцеляяй недуги душевныя и телесныя;

Радуйся, целебниче благодатный в болезнех с верою к тебе притекающим;

Радуйся, яко руце твои честнеи орудия целеб явистася;

Радуйся, яко сею возложением молитвенным, болящим здравие подавал еси;

Радуйся, яко в чуждых странах пребывая, имя Христово чудесы твоими прославлял еси;

Радуйся, яко от града в град преходя, верныя во благочестии утверждал еси;

Радуйся, яко от востока и до запада хвально бысть имя твое;

Радуйся, яко ближних и дальних усердно ко Христу приводил еси;

Радуйся, вселенную яко солнце пресветлое, обтекий;

Радуйся, яко луна полная богоугодное течение совершивый.

Радуйся, святителю Савво, первопастырю и учителю Сербский, дивный чудотворче.

Кондак 10

Спасения надежду несумненную имея, святителю угодниче Божий, во град Тернов пришел еси и зде конец странствия земнаго совершил еси, почив о Господе кончиною праведною и святою, ею же мног плачь земли Сербстей сотворил еси. Обаче веруем, отче и архиерею наш, яко аще и вне отечества, по смотрению Господню почил еси, неразлучен же с ним духом твоим пребываеши и выну молишися Богу о воспевающих Ему песнь: Аллилуия.

Икос 10

Царя Небеснаго Христа верный раб и служитель был еси, богоносне отче наш Савво, и аще почил еси о Господе сном смерти, обаче чудотворити не престаеши и по смерти: священная и всечестная рака твоя врачебница явися недугом человеческим, и самая персть от гроба твоего целебна бысть, яко всем звати тебе:

Радуйся, первопрестольниче святе Сербския страны, со святыми почиваяй;

Радуйся, угодниче Христов, и по смерти преславно чудодействуяй;

Радуйся, град Тернов преподобною твоею кончиною освятивый;

Радуйся, Болгарскую страну чудесы твоими благодатно озаривый;

Радуйся, по желанию твоему в подвизе странствия жизнь скончавый;

Радуйся, вне отечества твоего сном смертным опочивый;

Радуйся, яко смерть твоя честна пред Господем;

Радуйся, яко успение твое торжествует святая Православная Церковь;

Радуйся, яко архистратиг Сербския страны, воем ея во бранех побораяй;

Радуйся, покровом молитв твоих паству твою присно соблюдаяй;

Радуйся, просвещения духовнаго распространителю и насадителю;

Радуйся, младенцев и отроков любвеобильный наставниче, училищъ же христианских покровителю и озарителю.

Радуйся, святителю Савво, первопастырю и учителю Сербский, дивный чудотворче.

Кондак 11

Пением молебным чествуем тя и величаем, святителю, Божий угодниче, и верно совершаем святую память твою: аще бо и в Сербии просиял еси, вся же Церковь вселенныя стяжа тя добля поборника, предстателя и молитвенника ко Господу. Темже, поминая житие твое богоугодное и многия подвиги твоя и чудеса, прославляем прославльшаго тя Господа Иисуса, и смиренномудренно вопием Ему: Аллилуия.

Икос 11

Светлостию чудес сияя, любовь твою к Сербии показал еси, равноапостольне святителю Савво, егда благоволил еси принесенным быти святым мощем твоим в отечество твое земное; ты бо отечестволюбец быв при жизни, и по успении таковым явился еси, и к любящей тя пастве твоей возвратитися мощами твоими восхотел еси, да возвеселиши чад твоих, тебе вопиющих:

Радуйся, началопастырю Сербский, паству твою молитвенно назираяй;

Радуйся, благий предстателю с верою тя призывающих;

Радуйся, яко мощем твоим святым в Сербию принесенным быти восхотел еси;

Радуйся, яко волю твою о сем царю Болгарскому Асену в видении возвестил еси;

Радуйся, со славою и честию из Тернова в Сербию принесенный;

Радуйся, в соборнем храме Милешевы, яко твоея кафедры, с любовию приятый и честно положенный;

Радуйся, братаничем твоим, Сербским кралем Владиславом, благоговейно почитаемый;

Радуйся, преемником твоим, святителем Арсением, молитвенно ублажаемый;

Радуйся, всеми людьми сербскими радостно приятый;

Радуйся, пришествием твоим печаль паствы твоея утоливый;

Радуйся, чудесы многими от гроба твоего святость твою ознаменовавый;

Радуйся, поля, горы и дебри шествием освятивый;

Радуйся, богоугодным житием, мудростию и великим тщанием Православие в народе своем утвердивый;

Радуйся, благодатным заступлением и по отшествии твоем его сохраняяй;

Радуйся, ангеле житием, пророче благодатию Святаго Духа, апостоле благовествованием, мучениче исповеданием.

Радуйся, святителю Савво, первопастырю и учителю Сербский, дивный чудотворче.

Кондак 12

Благодати Божия сокровище, святыя и нетленныя мощи твоя, Савво, отче наш, грех ради наших от нечестивых агарян, врагов христианских, огню предани быша. Обаче веруем, яко ты и ныне с нами еси, якоже и прежде, егда благоволил еси мощами твоими видимо род свой утешати, и молитвами твоими нас сохраняеши от всякаго зла. Темже покланяющеся месту святому, на немже мощи твоя злочестивыми огню предашася, лобызаем персть, ими освященную, и поем Богу: Аллилуия.

Икос 12

Поюще святое и богоугодное житие твое и многая преславная чудотворения твоя, святителю отче наш Савво, смиренно просим тя: не возгнушайся наших не довлеющих похвал, имиже тя, от усердия нашего чествовати дерзаем, но приклонися милостивно к зовущим ти всеусердно хваления таковая:

Радуйся, сострадательный и любвеобильный Сербския страны неусыпный хранителю;

Радуйся, яко с нею вкупе от злых агарян в мощех твоих огненное искушение приявый;

Радуйся, столпом сияющим до небес над сожигаемыми мощами твоими, святость их чудесне проявивый;

Радуйся, сожегшаго мощи твоя воеводу агарянскаго грозно наказавый;

Радуйся, и по сожжении мощей твоих чудотворити непреставый;

Радуйся, и самое место сожжения их благодати причастно сотворивый;

Радуйся, в видениих и сониих верныя посещаяй;

Радуйся, ближним и дальним помощь твою подаваяй;

Радуйся, Православныя Церкве боголепное украшение;

Радуйся, архиереев славо и похвало;

Радуйся, в лице преподобных сияющая звездо;

Радуйся, по Бозе и Богородице, крепкое наше упование.

Радуйся, святителю Савво, первопастырю и учителю Сербский, дивный чудотворче.

Кондак 13

О, пресвятый и предивный чудотворче, святителю отче наш Савво, Сербския страны покровителю и всех православных христиан предстателю! Приими милостивно сие малое моление наше, в похвалу тебе приносимое, и молитвами твоими ко Господу, избави нас от бед временных и вечных, и сподоби нас вкупе с тобою в Царствии небеснем пети Богу, Спасителю нашему: Аллилуия.

Сей Кондак глаголи трижды. И паки чтется 1-й Икос: Ангельскую чистоту от юности возлюбив… и за сим Кондак 1-й: Избранный от Царя сил…

Молитва первая

О, священная главо, преславный чудотворче, святителю Христов Савво, Сербския земли первопрестольниче, хранителю и просветителю, всех же христиан благонадежный пред Господем предстателю! Тебе припадаем и молимся: даждь нам быти причастником любве твоея к Богу и ближнему, ею же при жизни святая душа твоя преисполнена бысть.

Озари нас истиною, просвети ум и сердце наше светом Божественнаго учения, научи нас тебе подражати верно, Бога и ближняго нашего любити и заповеди Господни совершати непогрешительно, да будем и мы чада твоя, не по имени токмо, но всем житием нашим.

Молися, святый архиерею, о святей Православней Церкви и отечестве твоем земнем, присно тя любовию чтущем. Призри благоутробно на всяку душу верных твоих чтителей, милости и помощи твоея ищущих, буди всем нам в болезнех целитель, в скорбех утешитель, в печалех посетитель, в бедах и нуждах помощник, в час же смертный милостивый покровитель и защититель, да помощию молитв твоих святых, сподобимся и мы грешнии спасение верное получити и Царствие Христово унаследовати.

Ей, святче Божий, не посрами упования нашего, еже на тя крепко возлагаем, но яви нам твое многомощное заступление, да славим и поем дивнаго во святых Своих Бога Отца и Сына и Святаго Духа, всегда, ныне и присно и во веки веков. Аминь.

Молитва вторая

Во святителех великое украшение, богомудре отче Савво, молимся раби твои и припадающе, вопием ти: не остави своих чад, отче, но буди всегда с нами, якоже обещался еси, да и мы по долгу воспоем тя, ублажим тя и прославим величие и силу твою и достойную песнь принесем ти, вопиюще и глаголюще: тебе ублажаем, святителю; тебе воспеваем, светильниче; тебе покланяемся, отче Савво! Моли, молимтися, спастися поющим святую твою память. Аминь.

Святой Савва Сербский

Святой Савва почитается как в русской, так и в сербской православной церкви, но, правда, не одинаково сильно: для сербов – это самый почитаемый святой в национальной истории, а для русских… давайте разберёмся.

День святого Саввы в Сербии отмечается 27 января, и у сербов он называется Савиндан. В русском церковном календаре есть праздник с похожим названием – Савин день, но он относится к памяти Саввы Освященного, другому святому, родившемуся на территории современной Турции и создавшему Иерусалимский устав, который до сих пор используется Русской православной церковью. Он отмечается 18 декабря. День памяти же святого Саввы Сербского Русской православной церковью отмечается на два дня раньше, 25 января по новому стилю.

Фото i.cvetkovic, www.flickr.com

Оказавшись в Сербии, имя святого Саввы можно встретить или услышать довольно часто: крупнейший в стране конгресс-холл называется Сава-центр, самый большой православный храм в юго-восточной Европе – это Храм святого Саввы, построенный именно там, где, по одной из версий, османские завоеватели сожгли мощи святого. А в булочных продаётся хлеб «Сава» (названный, как кто-то считает не в честь одноимённой реки, протекающей через Белград, а тоже по имени святого). Школы, общественные организации, больницы, заводы, корабли, фирмы – везде можно встретить имя «Сава».

Тут уже можно заметить и второе отличие – в русском языке имя Савва пишется с двумя «в», а в сербском – с одной, поэтому составные слова и непереводимые названия тоже пишутся с одной «в» – Сава.

Кто же был святой Савва?

Савва был младшим сыном Стефана Немани и Анны Неманич – венценосной семьи Княжества Сербского, основателей династии Неманичей. Он родился в 1169 году и имя ему было Растко. И библейский слог тут как раз уместен, но об этом ниже…

Родиной святого Саввы можно назвать современную Черногорию. Он стал третьим и самым долгожданным ребёнком в семье, а потому – и самым любимым. О ранних годах Растко мало что известно, но когда ему исполнилось 15, отец отдал ему в управление одну из областей своего княжества. Известно, что Растко не часто её посещал. Он был образованным юношей, знакомым с раннехристианской, византийской и старославянской литературой. Пришло время, и он сбежал на Афон. В то время ему было где-то 17 лет.

На Святой горе он нашёл пристанище в русском Монастыре святого Пантелеимона, где и принял монашество, получив имя Савва (по другой версии – это был греческий монастырь Ватопед, в котором он прожил семь последующих лет, но это менее вероятно).

Удивительно, но через некоторое время его отец, уступив престол своему среднему сыну, тоже Стефану, принял монашеский постриг, а ещё позже он отозвался на предложение Саввы приехать на Афон, где сын стал его духовным наставником. Уход в монахи мирского правителя – событие незаурядное, оно вызвало небывалый интерес не только к Стефану Немане, ставшему Симеоном, но и к самому Савве.

Хиландар и СПЦ

Хиландар – это сербский монастырь, который стоит в одном ряду с такими сербскими святынями как Высокие Дечаны в Косово и Острог в Черногории, но Хиландар находится на Афоне, и основали его Савва и Симеон. Хиландар стал первым и остался единственным сербским православным монастырём на Святой Горе.

Впрочем, тогда он был просто «сербским», а «сербским православным» он стал, когда Савва добился от византийского царя Феодора I Ласкариса и патриарха Константинопольского Мануила I Харитопула Сарантина автокефалии для Сербской православной церкви. Монастырь при этом остался в подчинении Константинопольского патриархата. Но это не главное, главное – новая, независимая Сербская православная церковь.

В 1234 году Святой Савва предпринял повторное паломничество в Иерусалим. Возвращаясь, проезжал через Болгарию. Там и умер 14 января 1236 года и был похоронен в болгарской столице Тырново. Племянник св. Саввы сербский король Владислав (зять болгарского царя Ивана II Асеня), через год перенёс его мощи из Тырнова в монастырь Милешева. Через триста лет после смерти святителя, турки, поработившие страну, сожгли мощи святого Саввы, чтобы унизить народ и его святыни. Сейчас на этом месте выстроен один из крупнейших православных храмов.

Случилось это после падения Царьграда в 1204 году, когда Мануил I рукоположил Савву в «архиепископа сербских и приморских земель».

Вернувшись в Сербию, Савва начал основывать монастыри и лавры, писать законодательные тексты. Его «Симеоново житие» сейчас считается образцом сербской средневековой литературы. Являясь игуменом важнейшего в то время в Сербии монастыря Студеница, Савва участвовал и в дипломатических миссиях правителей из своего рода, а именно – брата Стефана Неманича.

«Святосавство»

В сербском языке есть такое понятие – «светосавле» («святосавство» по-русски). Это что-то между православием и святым Саввой – верхняя степень почитания православного сподвижника Саввы Сербского. Да, а когда же Савва стал святым? Он был канонизирован в 1237 году, когда его посмертные останки перевезли из Болгарии в родную Сербию. В сербском самосознании святой Савва остался символом любознательности, смирения, достоинства и чести, крепости духа, духовной связи христианских Востока и Запада, в общем – символом сербской нации.

Поэтому-то сербские монументальные сооружения, старейшие объединения, учебные и оздоровительные заведения, амбициозные проекты и фирмы, часто носят имя святого Саввы. Поскольку святой Савва являлся и просветителем сербского народа, то современные сербские школы отмечают 27 января как своего рода День школы. Но что особенно показательно, так это то, что матери до сих пор дают своим чадам мужские и женские имена Сава.

В современной же России интерес к личности святого Саввы Сербского совпал с новой волной интереса к самой Сербии – самой братской стране на Балканах. Духовное родство русского и сербского народов во многом строится на единстве православной веры. Поэтому, не удивительно, что личность именно Саввы Сербского, явившегося основателем Сербской православной церкви, вызвала особый интерес, а со временем и почитание у российских верующих. Отдельная заслуга в деле просвещения россиян о роли и значении святого Саввы в сербской истории принадлежит подворью Сербской православной церкви в Москве. В стенах храма святых апостолов Петра и Павла у Яузских ворот верующие могли узнать о вкладе, который внес святой Сава Сербский в дело становления сербского самосознания и государственности, об усилиях святого, направленных на укрепление Православия на Балканах, о значении для всего христианского мира оставленного святым духовного наследия.

Многочисленные русско-сербские организации и объединения граждан, общества русско-сербской дружбы из года в год проводят в России различного рода мероприятия в честь или во имя святого Саввы Сербского.
Икона святого Саввы стала одним из самых ценных подарков, который можно привести из Сербии.

Фото анонса: Goxxy, www.flickr.com, фрагмент

святитель Савва Сербский

12(25) января, 6(19) мая (Перенесение мощей), 30 августа (12 сентября) (Собор сербских святителей)

Святитель Савва, первый архиепископ Сербский, в миру Ростислав (Растко), был сыном самодержца Сербии Стефана Немани и Анны, дочери греческого императора Романа. С раннего детства он усердно посещал церковные службы и питал особую любовь к инокам. В семнадцатилетнем возрасте, встретив русского инока со Святой Горы Афон, Ростислав тайно оставил отчий дом и прибыл в русский Пантелеимонов монастырь. (По Промыслу Божию в год рождения святого – 1169 – древний монастырь святого великомученика и целителя Пантелеимона был отдан на вечное владение русским инокам.) Отец его, узнав, что сын на Афоне, снарядил целую дружину с верным воеводой и написал правителю области, куда входил Афон, что, если ему не вернут сына, он пойдет на греков войной. Прибыв в монастырь, воевода велел глаз не спускать с Ростислава. Во время вечернего Богослужения, когда упоенные вином воины уснули, Ростислав принял постриг (1186 г.) и послал родителям свою мирскую одежду, волосы и письмо. Инок Савва сумел убедить своих державных родителей принять монашество. Отец преподобного (память преподобного Стефана, во иночестве Симеона, царя Сербского, 13 февраля) вместе с сыном подвизался в Ватопедской обители. На Афоне они обновили сербский Хилендарский монастырь, и эта обитель получила звание царской ставропигии. В Хилендарском монастыре преподобный Савва был посвящен в диакона и затем во пресвитера. В Солуни за свои иноческие подвиги на Святой Горе преподобный был удостоен сана архимандрита. В 1219 году в Никее на праздник Успения Пресвятой Богородицы Вселенский Патриарх Герман рукоположил архимандрита Савву в сан Архиепископа всей Сербии. При этом преподобный Савва испросил у греческого императора право ищущему достоинства архиепископа быть посвящаемым в Сербии собором епископов, что было очень важно для того времени частых войн между восточными и западными властителями. Прибыв из Никеи на Святую Гору, святитель в последний раз обошел все монастыри, поклонился всем церквам и, вспоминая блаженное житие пустынных отцов, в глубоком сокрушении простился с подвижниками, «исходя из Святой Горы, как бы из некоего Божественного рая». По пути с Афона, удрученный тяжестью разлуки со Святой Горой, святитель едва шел. Только слова явившейся святому во сне Пресвятой Богородицы – «имея Меня Споручницею к Царю всех, Сыну и Богу Моему, о сих ли еще скорбишь?» – вызволили его из уныния, переменив печаль на радость. В память об этом явлении святитель заказал в Солуни две большие иконы Спасителя и Божией Матери, поставленные им в церкви Филокалии. В Сербии деятельность Первосвятителя по устройству дел Церкви и отечества сопровождалась многочисленными знамениями и чудесами. Во время Литургии и всенощной, когда святитель приходил покадить над гробом своего отца, преподобного Симеона, святые мощи источали благоуханное миро. Ведя переговоры с венгерским королем Владиславом, объявившим войну Сербии, прославленный небесными знамениями святитель не только доставил желанный мир своему отечеству, но и привел в Православие венгерского монарха. Положив начало историческому существованию самостоятельной Сербской Церкви, святитель Савва способствовал также утверждению сербской государственности. Чтобы укрепить независимое государство сербов, святой архиепископ Савва венчал на царство державного брата Стефана. По преставлении Стефана, венчая на царство его старшего сына Радослава, святитель Савва отправился в Святую Землю «со слезами облобызать святой Гроб Христов и страшную Голгофу». Вернувшись на родину, святитель благословил и венчал на царство Владислава и, для большего утверждения престола сербского, обручил его с дочерью болгарского князя Асана. Святой Первосвятитель обошел всю землю Сербскую, исправил иноческие уставы по образцу афонских и палестинских, построил и освятил множество церквей, утверждая православных в вере. Завершив свой подвиг на родине, святитель, назначив своим преемником иеромонаха Арсения, рукоположив его во епископа и преподав всем благословение, отправился в невозвратный путь, желая «окончить дни свои странником в земле чужой». Пройдя всю Палестину, Сирию и Персию, Вавилон, Египет и Анатолию, повсюду посещая святые места, беседуя с великими подвижниками, собирая священные останки святых, святитель окончил свое странствие в Тырнове, в Болгарии, в доме родственника царя Асана, где с духовной радостью предал свою душу Господу († 1237). При перенесении святых мощей святителя Саввы в Сербию в 1237 году исцеления были столь многочисленны, что болгары стали роптать на Асана, «зачем он уступает такое сокровище». На родине святителя его честные мощи были положены в церкви Милешево, даруя исцеление всем приходящим с верою. Жители Тырнова продолжали получать исцеления от остатков гроба святителя, которые благочестивый Асан приказал собрать вместе и положить во вновь сооруженную гробницу. Наследие святителя Саввы Сербского живет в православном Церковном предании славянских народов. С его именем связано первое введение Иерусалимского Устава в славянских иноческих обителях, по Типику святого Саввы доныне живет Сербский Хилендарский монастырь на Афоне. Принадлежащая святителю редакция Кормчей книги с толкованиями Алексия Аристина стала наиболее распространенной в Русской Церкви. В 1270 году митрополиту Киевскому Кириллу был прислан из Болгарии первый список Кормчей святого Саввы. С него была списана одна из древнейших русских Кормчих – Рязанская Кормчая 1284 года. Она, в свою очередь, легла в основу печатной Кормчей, изданной в 1653 году и неизменно с тех пор переиздававшейся в Русской Церкви. Таков вклад святителя Саввы в каноническую сокровищницу Православия.

Тропарь святителю Савве Сербскому, глас 3

Пути, вводящаго в жизнь, / наставник, и первопрестольник, и учитель был еси: / первее бо пришед, святителю Савво, / отечество твое просветил есй / и, породив тое Духом Святым, / яко древа маслинная, / в мысленнем рай насадил есй всеосвященная твоя чада. / Тем, яко апостолом и святителем сопрестольна / чтуще тя, молим: / моли Христа Бога // даровати нам велию милость.

Ин тропарь святителю Савве Сербскому, глас 8

Православия наставниче, / благочестия учителю и чистоты, / вселенныя светильниче, / архиереов Богодухновенное удобрение, / Савво премудре, / ученьми твоими вся просветил еси, / цевнице духовная, // моли Христа Бога спастися душам нашим.

Тропарь в честь перенесения мощей святителя Саввы Сербского, глас 3

Пути, вводящего в жизнь, / наставник, и первопрестольник, и учитель был еси: / первее бо пришед, святителю Савво, / отечество твое просветил еси / и, породив тое Духом Святым, / яко древа маслинная, / в мысленнем раи насадил еси всеосвященная твоя чада. / Тем, яко апостолом и святителем сопрестольна / чтуще тя, молим: / моли Христа Бога // даровати нам велию милость.

Кондак святителю Савве Сербскому, глас 8

Яко первосвятителя великаго и апостолов сообщника, / Церковь прославляет тя людей твоих, преподобне, / но яко имея дерзновение ко Христу Богу, / молитвами твоими от всяких нас бед спасай, да зовем ти: // радуйся, отче Савво Богомудре.

Ин кондак святителю Савве Сербскому, глас 2

Струями слез твоих, Богоносне Савво, / церковь телесную очистив, / слуга бысть Святыя Троицы, / сохраняй отечество свое непобедимо, // тому бо ты еси утверждение.

Добавить комментарий

Ваш e-mail не будет опубликован. Обязательные поля помечены *